ماعندك غيرك صدك ....!!!

[الشاعر ماجد الدعمي]

ماعندي غيرك ابد
بالك تشك بهاي !
صوتك هوه اتنفسه
ومن اعطش الكيه ماي
مو مهم عندي البعد
بكل لحظه انت وياي
انساك ؟؟ لا لا تظن
يلبسني ثوب الحزن
وانكلب لاجلك ناااي
دمعه اعله باب الجفن
واسمك صبح سولتي
اللــــــــــــــــــه ... ماتنحمل
تدري شكبر بلوتي !
ماعندي غيرك ابد
ياجوعي...
ياشبعتي
يانومي...
ياصحوتي
اعله لساني اسمك ركب
جيه ماعندي غيرك ابد
تبقه بضميري تبات
وهم زين شاعر صرت
واتسله بالجلمات
لو ثمانين عمري يصل
بي العشك ما مات
ترجيه باذنك تظل
ماعندي غيرك صدك
***

ماجــ 22 نيسان ــــد