ابوذيه الى الاخ محمد السوداني

[سلام الدراجي]

يسوداني أبردودك خنثني

ومن سهمك رماني خنثني

أبوسك مره مشبع خنثني

وإذا ثنيت أخمسهن سويه

الشاعر

سلام الدراجي

[twfeek]

الله عليك ياسلام والله ويستاهل محمد راح اتخلينه انغار يمعود على كيفك ويانه ..للاخوة والمحبه
انشاء الله.......بارك الله فيك ياابو عادل الوردة


توفيــــــــــــــــــــــــــــــــــــــق

[محمد السوداني]

السلام عليكم ورحمة الله وبركاته
.......
تحية طيبة ... وبعد
الاخ العزيز سلام الدراجي صح السانك وعاشت ايدك كلي شكر اخويه الغالي ممنون منك

عليك الروح تجذبني واردهه
لأن كلبي نبع صافي وردهه
شلون تغيب وانته اسمك وردهه
واردلك بالشعر غصبن عليه


الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه


تحياتي الك مالها احدود

[سلام الدراجي]

توفيق العزيز تحيه الك من القلب لرد الرائع ويستاهل ابو جاسم الورده وكل عضو بالمنتدى ببيت ابوذيه جميل شكرا عزيزي

[همس الغروب]

رائـــــــعة..تسلم الايادي
مشكور خيو
تحياتي لك

[محبة اسد العراق]

والله يستاهل محمد

مشكور اخوي

ابوذية رائعة

تحياتي لك

[سلام الدراجي]

عليك الروح تجذبني واردهه
لأن كلبي نبع صافي وردهه
شلون تغيب وانته اسمك وردهه
واردلك بالشعر غصبن عليه


الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه

الف شكر اخويه محمد الورده لهذا الرد الرائع ببيتين من الابوذيه الرائعه
والله افحمتني بيهن تحيه الك من القلب ودمت بخير
احب الليالي الحمراء

[شاعر غرام]

اهنا يلي عليك الروح تندب وله ثاني
البوسه اتبوس خدك وله ثاني
صحيح الشوك تعبني وله ثاني
لجن دربك بعيد اشلون بيه