قصيده الدليم

[سلام الدراجي]

قصيده الدليم

يا هو المثل أهلنه بطگه الفنجان

ويا هو أعله النوايب فات بهمومه

ابمرابعنه تدور أدلا لنه ألطيبه

ومراجلنه أصبحت بالسلف معلومة

أو دواوين الدليم منوره بالنيران

والبرنو شهد للعدو بسمومه

وطيور الحر تدور وعالية الرايات

ومقام الضيف عالي ونرفع اهمومه

أهل نخوه الدليم ورفعه فوك الرأس

وطيبه گلوبهم وهواي مهضومة

فنجان الدليم ألما انتكس فد يوم

ومناقبنه أصبحت بالليل مرسومه

مضايفنه علم للعاز والمحتاج

ومن حاتم أصول الكرم مفهومه

إذا حاتم ذبح إحصانه للخطار

بكرمنه الضيف صعدناه لنجومه

وإذا حاتم سمع صيت الدليم ألصار

سد باب المضيف وشگگ اهدومه

سد تبقى الرمادي وعاليه البنيان

أو لزابن ألينه أنصير كالحيطان

صحيح الجود گالوهه من ألما جود

بس عند الدليم الجود من الجدود

فخر أحفاد سبت الثامر المكتوم

مشهوده المراجل والله عدكم دوم

الشاعر

سلام الدراجي

[محتاره]

الله الله

صح لسانك يا شاعرنا المبدع

ابدعتـ بحق

مودتي

[أسامه الشاعر]

شكرا لك سلام للقصيده الرائعه ودمت
واعتقد اني قراتها في اهل الانبار
تحياتي

[ام فيصل]

إذا حاتم ذبح إحصانه للخطار
بكرمنه الضيف صعدناه لنجومه
وإذا حاتم سمع صيت الدليم ألصار
سد باب المضيف وشگگ اهدومه

والله والنعم باهل الكرم والضيافة
وهذا ديدن العراقي الأصيل
شكرا لك ولروعة هذه الكلمات ومعانيها
ابو حيدر -- دام لنا الإبداع عزيزي
وتحياتي لك

[امير الاحزان:]

سد تبقى الرمادي وعاليه البنيان
او لزابن الينه أنصير كالحيطان00


تسلم يمينك00 وبارك الله فيك اخي الدراجي00
كأنك تحدثت بما أردت الحديث عنه00
تحياتي

[سلام الدراجي]

وصح السانك اختي محتاره شكرا جزيلا للكلمات الرائعه بارك الله بك

[سلام الدراجي]

اخي العزيز اسامه شكرا لمرورك الرائع
نعم اخي لقد نشرتها في منتدى اهل الانبار الذي سجلت به اخيرا لكي استرد حقي الذي سرق
ولكن الحمد لله اعترف الاخ وندم واعترف بان القصيده من كتاباتي وهيه قصيده (مكلوب الزمن)
تبقى منتديات الفرات هي بيتي الاول والاخر مع حبي وتقديري لمنتديات اهل الانبار
تحيه اليك اسامه الشاعر من القلب
اخوك سلام الدراجي

[الاميره]

الف شكر اخي الفاضل سلام الدراجي على القصيده الرائعه
عاشت الانامل دمت في هذا العطاء
تقبل مروري