الموسوعه الثانيه للابوذيات العراقيه(بدون اعاده)
تهزهز ياكبر ونفض ترابيك
محبوب ألكلب نايم ترابيك
أجاني ألعيد وعيوني ترابيك
أنهض لاتشمت عداي بيه
هضم كلبي ياالاهي كثر مره
عفاني وعشت برد أيام مره
ألفرح شفته بحياتي أعتقدمره
حلم لحظه وبعد مامر عليه
جدمي عطل بوداعك ولاسار
وكلبي مافرح بعدك ولاسار
فديته بعيني أليمنه واليسار
ع من يوم مر فركاك بيه
شعجب دفترعشگـنه ماتگـلبه
وليش أنته اليگـلبك ماتگـلبه
ترى گـلبي بغيابك مات گـلبه
گلب گلبي توفه وعم عليه
أعذره الگـلب من يزهك بوحگـلاه
حگـله دومكم فوگـه وحگـلاه
أنه أدري لوطحت يمكم وحگـ لا
إله اللاه وتگـطعون بيه
مومعدن ذهب معدنك صفرين
وهذني رسوم وجهي عليك صفرين
جنت واحد وانه مو صفر صفرين
عد يمناك حطني تصير ميه
وحگ رمضان وصيامه ولمساك
ابد ما ملن صباحك ولمساك
يسويهة البخت خايب ولمساك
احس الجنة صارت بين ادية
يدهري شبيك ترگص رگص شدج
عله روحي بيوم صحتي نگـطع شدج
صرت منخل من الطعنات شدج
وأغربل بس خناجرتدري بيه
جرحك مابره ولادار حوله
بدليلي ومن بديت الشرك حوله
الوكت ينظر عليه بعين حوله
سلب روحي وطلع مشتبه بيه
اصد وازعل ودير العين طبعن
بسبب لجمات لك بلگـلب طبعن
حلو وتنحب لكن بيك طبعين
تشك وتغار من روحي علية
بعدكم تارك بگلبي ورم شاك
علاجي بنظرة عيونك ورمشك
احبنك وحب امشي ورمشاك
وصلتك بعد خل نمشي سويه
دوم انشد عليك الراح والرد
الوفة منك نبع ولطيب ورد
ردت منك جواب لهاي والرد
اعز الناس مايسأل عليه
رخى گلبي علمودك منرخصتك
وسومن بيك غالي منرخصتك
دست فوگي دگلي منرخصك
حته براحتك تسحگـ عليه
اوليفي الجان تحت امري تراها
محنتي وعينه الصلفه تراها
كل هاذا وبعد روحي تراها
تود شماعمل وياها اذيه
غصب أنزل دمع عيني وسيله
لان مالي على اوصالك وسيله
هاك أخذالكلب بيدك وسيله
يخبرك بالجره منك عليه
عيني من الزغردمعي نغمهة
وروحي مابعد يطرب نغمهة
الدنيا خلافت عشرتكم نغمهة
مثل موتةانتمشةعلى الوطية
لحد الموت أحبك وريدك
وعسه دمي دخل يسمروريدك
حياتي وموتي يمدلل وريدك
ارد احيا وترد الموت اليه
احبك واقبل بنارك وجنتك
وسودني رمش عينك وجنتك
عرش بلقيس بخدودك وجنتك
اظل وياك مامل منيه
على سنيني الدهر بدموع خطك
واگص الرجل كون تعبر خطك
شوآنه اتصل مشغول خطك
أثاري أثنينه نخابر سويه
سجاجين الوكت بحشاي بردان
خزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
ألعقل تكين جنتك وشل تك
أنه ألربيتك بزغرك وشلتك
عصرتك بثنين أديه وشلتك
لكيتك بس عذاب وهم أليه
العقل تكين تك انشل وجنتك
بسبب مالمست اشفافي وجنتك
جنات الخلك كلهة وجنتك
ماتغفر ذنب هجرك الية
اموت بطاري حبك واصطلب بيك
وانه الكظيت عمري وسط لبك
الف لبيك اصيحن وسط لبيك
ولالبيك انته ترد عليه
عين خلافه دم تبجين يوماي.
وماينفع وره المجفين يوماي.
ياسامه خلاف عينك كرب يوماي.
أبيع الروح بس تعود اليه
يدنيه خف عكل روحي وكلبي
وبيدج دفتر آهاتي وكلبي
بمحبته يشهد الساني وكلبي
ودمع عيني وصفار الوجه بيه.
الجكاره بنار دلالي ورثهه
وعاين دنيتي وشنهي ورثهه
اخذها الروح ترثيلك ورثهه
ساعه انت تنوح وساعه هيه
كلبي انت ملكتة وانت حر بية
عليل وطبة عندك وانت حربية
كاس السم اشربةوانتحربية
اذأغيرك يمس اطراف ادي
أحس كلبي عليك اليوم لاعب
وكلام الخشن بطله وياي لاعيب
شجاني وطحتلي بعشك لاعب
تركني وفضل الطوبه عليه
تهده ولاتناطح ذهب ينحاس
الشعروي نكدةالمنكود ينحاس
عفا شارب من يمسه الغيض ينحاس
بصابع حيدموش ابهيلكيه
سلت روحي صارت بسبسلها
البساله ماتلاشت بس بسلها
الوكت شاور الدنيه بسبسلها
وعليه تأمروا صاروا سويه
@@
لاراهب دره بعلتي ولاقس
ولاليلى ابتلت مثلي ولاقيس
صرت ماأحس بفرق بعدك ولاقيس
رضيت اشمايجي منك عليه
@@
هاي القساوة البلكلب مايلها
ياموطني وبيدك عدل مايلها
الحكمه دفت واحرفت مايلها
مايك حبر وتراب ارضك دفتر.
عالميمر وعالميمر وعالميمر
@@
موجة تراب وكمت عناي
الك يالي كطظت الوصل عناي
افز فزت حياية الذيب عناي
بحلم لومر صده صوتك علية
@@.
كبل من اصل طيب فر عينه
هسه العكل طاحت فرعينه
الوقت يخزر عليه فر عينه
درت وجهي وبقت عينه عليه
@@
جدي يدنيا وياي بعد وبعدجدي
وعلي صيحي بعالي الصوت جدي
هجمتي بيت ابوي وبيت جدي
وآنه بلا بيت شتهجمين اليه
@@
اشفنه من عمرنا شفتهمنه
وهمنه كبال عينك شفته همنه
ذبحنه وفوك ذبحه شو افتهمنه
يكلهم بالذبح تعبوني ادية
@@
احباب الروح كلبوا فرد كلبه
ووكتنه بلون نص الليل كلبه
دفعني وانكلبت اشلون كلبه
وسحبني ومن اثر ظل يسب بية.
@@
_يدنيه كافي دخنه شرطينه
شرط سجين بيدج شرطينه
نسف ماية عمرنا شرطينه
دخل يلحك بماية وهاي هية.
@@
اشفافك عسل وحصتي مره منهن
وكطعلي اجلاي سهمك مرة منهن
جم مرة اللحكتك ومرة منهن
مو انت طلعت وصار بية
@@
رد مع اقتباس