ابو الاذية 2

**twfeek** · 05-04-2009

حبيبي سهام هجرك كطعني
تعال العاذل بوصلك كطعني
احس اعضاي كلهن كطعني
متفقات وي كلبي عليّه

لايظن عن وداده كاطفاني
رغم بحجار هجره كاطفاني
لعد تفاح خده كاطفاني
وعضه لو يحط حراس ميه

اجفل من اشوفك ارتجف وسطاك
نحيل وعذب المخلوك وسطاك
لاتكلي ودادي شايله وسطاك
لان لو بيك حن كلبك عليّه

من حبك دليلي شحمل وشال
اخبرك كل دمعها العين وشال
ما يقبل الاهي جبتك وشال
لان وياي دكاتك رديـــــــه

**ام فيصل** · 05-04-2009

عاشت ايدك -- وصح لسانك عزيزي
ابوذيات جميلة ومعانيها اجمل
شكرا من القلب -- لجــود قلمك
ارق التحــايا لك يــاتوفيــق

**محمد السوداني** · 05-04-2009

لايظن عن وداده كاطفاني
رغم بحجار هجره كاطفاني
لعد تفاح خده كاطفاني
وعضه لو يحط حراس ميه

روعة عاشت ايدك اخي العزيز توفيق
انتفاء جميل للمفردة احييك لتمييزك الراقي
مبدع ورائع انت من اينما اتيتك

تقبل تحياتي وتقديري