(الماء والخضراء)احدث قصائدي لذكرى احتلال العراق

"]((الماء والخضراء))

الماء والخضراء والوجه الجميل
هنه ذني اتوصفن ضد التعب
النفط وامريكا والابس قناع!!
هنه ذني اتوثقن ضد الشعب
المايلوح العنب حامض خل يكول

اشرايكم بالضاكه ويسب العنب

مانريد البرتب يعله ويكون
اندور اعله الشخص بي تعله الرتب
انريد واحد من ذهب مو من حديد
عمره مايتغير ويصدى الذهب
كلشي عدنه اتغير وحته الكمان
نسمع ايدندن قنابل مو طرب
اعزاز جنه انغني ردناكم تجون؟؟؟
وتايبين اعليهه حولنه الطلب!!
كبل جنه انخاف مانذكر احسين
ومن اجيتوا انخاف مانذكر وهب
بروح دارينه النخل عن لايموت
ومن اجيتوا اعيونكم بس عالرطب
اشكد زرعنه احلام يم باب الحدود
وصار حصتكم رطب واحنه الكرب
ردنه ماي ايرجع الهور اللي مات
نعم جبتوا الماي بس بكتوا الكصب
عمر منتظرين واحد مثل نوح
ايخلص الوادم اذا ربك غضب
وصرنه ضده ولحد ايكلنه ليش
بس البحزبه انحسب وياه ركب
كوموا احسبوا اجم فقير وكلبه جام
ومو ابطلقه ابدمعة العوز انضرب
روس كعدت عالكراسي والضمير
وفوك جذع الغيره جم راس انصلب
كبل شوف اعيونه ابطول النهار
وهسه شوف اعيونه الحد الركب
احنه كلشي اكبالنه انسوي رماد
نار تاكل يرضى مايرضى الحطب
انتوا ظل اكراب واحنه الذو الفقار
وبيد حيدر نكدر انلوح الركب
لاتخافون الشع يكدر يعيش
كافي دمنه اكبالنه انشوفه انشرب
اغنياء انعيش بتراب الحسين
ناخذ احنه اترابه ونسوي ترب

مع تحياتي


كلمات في قمة الروعه
عاشت ايدك وننتظر المزيد

من هذه الحروف الذهبيه

[الشاعر ماجد الدعمي]

شكرا للقصيده الرائعه والمتمكنه من ادواتها الشعريه
سلمت وننتظر مايجود به قلمك تحياتي

[عبدالله الرفاعي]

اخي الغالي وشاعرنا المبدع الخزاعي
قصيدة تستحق التصفيق بحرارة
احييك واحيي حسك الوطني العالي كما احيي قلمك الذي عودنا على النزيف
لك مودتي واحترامي
تقبل اعجابي مع مروري

مع تحياتي


كلمات في قمة الروعه
عاشت ايدك وننتظر المزيد

من هذه الحروف الذهبيه

ممنون ياعمري الف الف شكر

شكرا للقصيده الرائعه والمتمكنه من ادواتها الشعريه


سلمت وننتظر مايجود به قلمك تحياتي

حبي لك يارائع بوساتي

اخي الغالي وشاعرنا المبدع الخزاعي

قصيدة تستحق التصفيق بحرارة
احييك واحيي حسك الوطني العالي كما احيي قلمك الذي عودنا على النزيف
لك مودتي واحترامي

تقبل اعجابي مع مروري

حبيبي انته عبد الله هاي بوسه الك وعشره لسيد عريان

يسلموو حبيبي علي ملا الخزاعي
على ها القصيده العطره
دام قلمك بالابـداع المتواصل

هنودي البصراوي