حب بيني وبينك

[قصة مطر]

شفت مــن العيون اشكال والوان

وشفت من الحسن سيف ابيمينك

لچن حسنك چذب شافنه العيون

ولا عين الشفت تشبـه العينك

من اوزن جمالك ويـه هالناس

فرق بين البشر واضح وبينك

لأن ربنه خلق هناس من طين

بس فـرق الورد مخبوط طينك

الحسن مو بل معاني العند الأنسان

الحسن ملح وترافه وذني ادينك

الوادم ترش الملح عالزاد

وانته اچفوفك اتملح عجينك

ما چذب وگلك واقع الحال

من جـدمك ملح حد الجبينك

احلفك بل مسيح المات مصلوب

اذا نصاراني كلبي يريد زينك

واذا مسلم احلفك أني بالله

علي تسأل يغالي اتكول وينك

واذا باقي الطوائف تعرف الله

احلفك بل ألاه الخلـق دينــك

تحن انته علي يا بعد العيون

ويضل حبي حبيبي ابشراينك

مما راق لي

[سمير الكرماني]

شكرا على الشعر الجميل
رد بسيط
اعيونك قواعد سام ترمي قنابل
من توصل الاعشرين تكتل يجاهل

[ام فيصل]

عاشت ايدج عزيزتي
كلمات حب وغزل رائعة
دمتي لنا بهذا الفيض من الإحساس والتميز

قصة مطر --- شكرا لك

[قصة مطر]

الإبداع فن ،،، تذوق ،،، عطاء

ذائقتكم هي التي جعلت من الموضوع إبداعاً

وزيارتكم هي التي سجلت للموضوع حضوراً متميزاً

فشكراً لزيارتكم

[محمد السوداني]

الله الله قصيدة غزلية جميلة جدا سلمت اناملك يارائعة
دمتي بهذا الجمال والروعة....
تقبل تحياتي وشكري الجزيل

[محتاره]

شكراً جزيلاً لكٍ

كلماتـ رائعه جدا

مودتيـ

[قصة مطر]

يسعدني دائماً ماتنثره
اقلامكم الفذه في صفحاتي
فالابداع هو انتم والتميز سمات اقلامكم كل الشكر على كلماتكم وحروفكم الالماسيه
التي دونت هنا بمتصفحي المتواضع
الذى ارتقى بمروركم
تحياتي