بتهوفن

[ابن الوسط]

اذا مو بيك اسولف انه ما موجود
لأن بس بيك اسولف كل وكت انه
تدري انته بمكانك بيه وين يصير
بس شويه اوخر تطلع هنانه
وموبس اني احبك ...انه وانه هواي
وبعد من عندي عشره أنحبك ويانه
ادري .. انته بشر بس هالخضار منين
ابو البستان شافك حرك بستانه
والورد من شاف طولك بس عليه مريت
ما يقبل بعد يكعد بسندانه
ادري شلون رأيك يعني كلنه انموت
كول انموت كلنه منيين دفانه
بتهوفن امس لو سامعك ماصار
يم صوتك امس جاكعدت الحانه
يلوموني من اشوفك اسكت من الخوف
عمي الشاف طولك ضيع السانه
ربك بالخلق سواك بس سواك
وانه وذوله مدري شلون سوانه

بس اوكف دقايق رحمه للعباس
بس اتمر عليك اتطيب مرضانه
احنه بلايه نخوه انموت كلنه عليك
جا شنسوي اذا فد يوم تنخانه
اذا بس انته بيه الدنيه جنه اتصير
واذا مابيه انته الدنيه خربانه
انه الدوم احبك مستحيل انساك
واذا انساك صدك هذا مو انه





( منقول )

كلمات جميله جدا

عاشت ايدك على هذا النقل المميز

ننتظر ابداعك

تقبل تحياتي

[ابن الوسط]

حياك الله يلسالم العزيز
سباق دائما
تحياتي

[مسافر بلا عنوان]

الله الله
قصيدة رائعة
عاشت ايدك على النقل المميز
تحياتــــــــــــــــــــــــي

[ام فيصل]

بس اوكف دقايق رحمه للعباس
بس اتمر عليك اتطيب مرضانه
احنه بلايه نخوه انموت كلنه عليك
جا شنسوي اذا فد يوم تنخانه
اذا بس انته بيه الدنيه جنه اتصير
واذا مابيه انته الدنيه خربانه
انه الدوم احبك مستحيل انساك
واذا انساك صدك هذا مو انه
قصيدة غزل رائعة ياابن الوسط
احسنت على هذا الإختيار الجميل
كلمات واحساس رائع
شكرا لك وتحياتي

[ابن الوسط]

حاك الله اخويه العزيز مسافر
شاكر مرورك يلغالي
تحياتي

[ابن الوسط]

تسلمين ياام فيصل الغاليه وحياج الله
شاكر مرورج ومتابعتج لمتصفحي
تحياتي واحترامي

[محمد السوداني]

قصيدة رائعة عاشت الايادي اخويه العزيز ابن الوسط
تحياتي الك يلغالي