الشاعر علي الديواني (( عجيبه انته ))

[محتاره]

(( عجيبه انته ))

سـواحل لو عظـم هدهـد تشيــل ويــاك ؟؟
لــو كــل الخــرز واتعــــب اذا اعــــد

اشــو من تطلـع انتـه ادوخ النــــاس
واذا ميــت يشوفــك حسبــه كاعــــد

مـن طيــن وعسـل بارينـه ســـواك
واظــن العســل فــوك الطيـن زايــد

واذا انتـه اتجاهــك عاكــس السيـر
اظـل امشــي وراك بــرون سايـــد

صح حلوين اكو بس انته ابو الحلوين
وبهــاي البشــر ماشبهـــك بواحـــد

قائــد عسكــري وكــل احنه حراس
ونظــل حــراس احنـه وانتـه قائــد

يگـولـون الجبـل لاماتهـزه الريـح
چـذب ينهـز ولك مايبقـه صامــد

لان صــدك جمالك هــز الجبــــال
ويذوب بلمسه ايدك كلشي جامـــد

زوج عيـون عنـدك مو طيبعيــات
وزوج شفاف اذا كظهن ابد ماهـد

وشعرك لو تهده بنص نهار الصيف
ليل الدنيه تصبح واني الك شاهـــد

عطرك ضحكتك وجماله عالخدين
شامه بلون شعرك والله تتواجــد

يبو دم العسل جنني عطر البيــك
مـن جنة عدن امعطرك الواحـــد

اجيـك بعـز شتــاا والگاك من نـار
وجيـك بصيـف اشو الگاك بــارد

عجيبه انته بجمالك ساحر الكون
وكلمن شاف حسنك ينبهر بيــك

يفتح عينه الاعمى ولو تمر بيهه !!
واذا اخرس يشوفك هم يحاجيــك

اتيه روحي صدك وابقه محتــار
وترد الروح لو جابولي طاريــك

احبـك من اسألك ويــن ماويــن
واحبك من تگلي وانته شعليــك

انـام وصورتــك للصبـــح ويــــاي
وادعي من الله كون بحلمي الاكيك


تحياااتي للجميع

[محمد السوداني]

قصيدة رائعة وجميلة جدا بوركت انالمك اختي العزيزة
اتمنى لك المزيد من الابداع والتمييز

ارق التحايا

[ام فيصل]

رائعة دوما باختيارك
واحساسك الجميل
قصيدة غزل جدا جميلة بمفردات رائعة
سلم لنا هذا التذوق
وتحياتي --- محتارة

[محتاره]

نورتووووا الموضوع بهل الطله الحلوه

شكرا جزيلا لكم

خالصـ وديـ

[ابن الوسط]

اختيار رائع
تسلمين اختي العزيزه
تحياتي

[محتاره]

شكرا لك على مرورك

نورتـ

خالصـ وديـ