قصيده بمناسنه مولد سيد الكائنات

[سلام الدراجي]

سبحانك يا ربي الواحد القهار

خلق طه الرسول وخلق جنه ونار

من نورك يطه الشمس متنورة

واحنه بضلمه چنه ونعبد الاحجار

ما عدنه عدل بس الظلم موجود

ومن نورك ضلمنه اتبدد وانهار

وأكملت الرسالة ارفعت اسم الله

واستلموهه منك صحبته الاخيار

أريد اكتب وامجد بالصحابة اليوم

وأبدا باربعه خير البشر همه

أبو بكروعمرعثمان أبو الحسنين

تيجان الرجال أو رفعوا ألهمه

صديق الرسول الفده أبروحه الدين

ورفع عن أبو القاسم تعبه وغمه

وأبا حفص ألعدل فاروق ابن خطاب

فتح فارس بسيفه أوسع ألامه

وعثمان الحياء يتباهه بي جبريل

قرأنه أبيده وتبلل أبدمه

فسيكفيهم الله الدم عليه ألصار

وآيات الإله الشهدت ألازمه

وحيدرنه الأسد ذاك داحي الباب

فتح خيبر بزود وهابته الضلمه

وحسن تاج الرجال السمموه بليل

وبالجنة ايتباهه النور البجسمه

وحسين الشهيد الطاح فوگ ألگأع

الأرض أتوردت من دمه ولحمه

وزبير وسعيد وطلحه أبو الخيرات

بالإسلام صعدوا فوگ للقمه

وابن عوف الحكم وهذا ابن جراح

كواكب بالسمة وتحسدهم ألنجمه

وسعد هذا الذي رامي أبدر وحنين

أفداه النبي بأجداده وبأمه

كنتم خير أمه أخرجت للناس

ونقلو عن نبينه أقوال معلومة

ما ينطق سور إلا بوحي يوحى

وكل سوره أصبحت للبشرمفهومه

هذوله أصحابي كلهم بالسماء أنجوم

إعلام الرجال وفخر للامه

إعلام الرجال وفخر للامه

سلام الدراجي

[الشايب العراقي]

اتمنالكم التوفيق والابداع دائما
موفق بإذن الله ... لك مني أجمل تحية .
تقبلو مروري

[ام فيصل]

مشكور عزيزي ابو حيدر
كلمات جميلة عاشت ايدك على هذا النظم الجميل
دمت لنا ودام قلمك النابض

تحياتي لك

[محمد السوداني]

صح السانك وعاشت الايادي اخي العزيز بوركت يارائع

تحياتي وفائق تقديري

[سلام الدراجي]

اخي عراقي انا مرورك يسعدني وتواجدك في متصفحي يفرحني تحيه لك من القلب

[سلام الدراجي]

ماجد شكرا حبيبي لمرورك العطر على متصفحي بارك الله بك

[سلام الدراجي]

شكرا لك ياشاب العراق لردك الرائع تحبه لك من القلب

[الشاعر ماجد الدعمي]

سلام شكرا لك وجعل ماسطرت بميزان حسناتك
تفبل تحياتي ومروري