مو كافي هالصفنات

[محتاره]

مو كافي هالصفنات
-------------
يا كلبي شيعـد مـــــــــو كافي هالصفنات
شني بسجنك مـــــــــــؤبد حابس الصفنه


ون وصفن بكيفـــــــــك واني اون وياك
التون علية ، الشرط يستاهــــــــل الونه

ون بليل وجدك يبجي كــــــــــون الليل
مثل ونـــــــــــــــة كريم ايسكر لو غنه

كبل مثلك جنــــــت اتمنى كلشي يصير
حدما خلـــــــــــــص كلشي واني اتمنه

اسولف للوهـــــــــم علصار والماصار
اني ابجي وعلي يضحـــــــــك اشوفنه

اركض علسراب بلهفــــــــه العطشان
وكولن ماي هــــــــــذا وبلكي اشربنه

نسحك علورد لـــــو عطر ما طل بي
ونبوس بالجفـــــــــــوف الهنه كطعنه

ما حصلنه كلشي وجنــــــــه مقتنعين
سألوني وكلــــــــت لا كلشي حصلنه

وصدك حصلنه كلشي السهر دمع الليل
وذني خلافهن ما للبشــــــــــــــر معنه

العشك ادري جهنـــم حيرة وين نروح
اذا في نص جهنم حطـــــــــــوا الجنه
----------------
منقوووووووووول

[ام فيصل]

العشك ادري جهنـــم حيرة وين نروح
اذا في نص جهنم حطـــــــــــوا الجنه

رائعة انت محتارة
قصيدة منتقاة وجميلة -- عاش لنا احساسك المرهف دائما
شكرا لك وبانتظار عطاء مدادك

شكرا سيدتي على النقل الحلوووووووووووو

[الشاعر ماجد الدعمي]

محتاره
الله لايحيرك
جميل اختيارك هذا ولوحة
مبدعه
بس شنسوي الحياره كلهه صفنات
وانتي تكولين لتصفنون
وانتي محتاره
ههههه

[عاشق عيونك]

نسحك علورد لـــــو عطر ما طل بي
ونبوس بالجفـــــــــــوف الهنه كطعنه

روووووعة تسلمين محتارة

تحياتي

[احسان الجنابي]

يسلموووووووووووووووووو اليحبك يفهمك يفهم ظروفك واليحبك مايشوف الناس بس انتى يشوفك مع تحيات الجنابي

[محتاره]

مشكورين عيوني عالمرور

نورتوووووووا صفحتي

شكرا لكم من القلبـ

[محمد العتابي]

كلام جميل جداً جداً...
عشتِ اختي العزيزة