الدليل القاطع عند ابو كاطع ج12

[ابو كاطع]

بسم الله الرحمن الرحيم

اثناء مطالعتي الصحف والاخبار لفت انتباهي خبر ذكرني بقصة حدثت ايام زمان
هسه يا زمان ما علينا
القصة
موظف كمارك في احد المنافذ الحدودية العراقية مع احد دول الجوار
هسه ياجوار الله اعلم
هذا الموظف يطلقون عليه ابو فيل
نعم ابو فيل
هسه ليش هل اللقب
اسمعوا القصة
هذا العينتين مسؤل عن تقدير قيمة البضاعة المستوردة لاجل ان ترسم كمركيا
فاذا صاحب البضاعة دفع مبلغ بيه حظ يعني محرز حسب قول اخوانا السورين
يعني صاحب البضاعة يدفع رشوة مرتبه صاحبنا يقلل قيمة البضاعة لاجل الرسوم الكمركية تصبح قليلة
واذا صاحب البضاعة عصاره مال نومي حامض ويابس وما يطلع منه شي وما يدفع شي ويريد شغلته يخلصه بلوشي
شيسوي صاحبنا الموظف يصعد القيمة الى الضعف
وفي احد الايام حاول احد الاشخاص ان يدخل ببغاء من تايلند ببغاء نعم ببغاء
وما قبل يدفع رشوة لصاحبنا فقام صاحبنا وكتب في ورقة التصريح الكمركي وفي حقل
نوع البضاعة \ \ فيل
ووضع رسم كمركي خيالي وقال لصاحب الببغاء روح ادفع الرسم وتعال وعنما وصل الى امين الصندوق
الله يخلي صبري صندوق امين البصرة
قال امين الصندوق ادفع الرقم الفلاني من المبلغ
وماكان من صاحب الببغاء الا قال عمي صدك كذب شنو اني جايب فيل خو مو فيل
فقال له امين الصندوق نعم فيل هذه الاستمارة
مكتوب فيها فيل
واخذ الاستمارة الى مدير الكمرك وتمت تسوية الامر واعتبروه بلبل بدلا من فيل وعبرو الشغلة ولهذا اطلق عليه ابو فيل
\\\\\\\\\\\\\\\\\\\\\\\\\\\\\\\
اليوم الموضوع واحد هرب من المطار
زين هرب على اساس
فيل
او ببغاء
لو بلبل
واشلون هرب
والدليل القاطع عند ابو كاطع
والعهدة على الرابط
http://www.ipairaq.com/index.php?name=inner&t=politics&id=9553

[عراقي هواي وميزة فينا الهوى]

ياحبيبي
هسه اكو واحد اسمه ابو دينصور

الله يكون في عون الي ما يدبر عيشته

[ام فيصل]

عله كولتك هو بلبل لو بني آدم
يعني انسان بكبره يختفي -- شلون بالله ؟؟؟؟
لا وفص ملح وذاب --- خوش امن مطار
وخوش موظفين

عاشت ايدك عزيزي ومنا لما يلكونه راح يختفي من صدك ويصير ملح وذاب

تحياتي لبو كاطع

[الحــر]

حيا الله ابو كاطع واخبار وسوالفة القيمة

صدك هو فيل لو بلبل لو ببغاء ..!!

المصيبة لواااء كامل يا ناس لواااء كااامل في المطار .!!!!

والله خوش لعبة الي يريدونه يجيبوه لو بنص اهلة

والي يريدون يهربوه لو وسطهم يغمضون عيونهم ويكلوة حبيبي اطلع وجنة ما نشوفك هههه

انسوه هذا بعد حالة حالة حال حازم الشعلان وغيرة من المجرمين والحرامية الكبار...!

تحياتي وتقديري لك يابو الخبر الدليل القاطع

[سمير الكرماني]

والله الموضوع جميل وحلو ويقهر وشر البليه ما يضحكو
يله هي هاي بداء نهاية الفلم...... راح واحد يكمش واحد خوش لعبة ختلات
خلي انشوف منو اخر واحد

[حيدر اللامي]

ههههههههه
لو يطببون دينصور اشلون
موضوع رائع تحياتي لك

والله ياحبيبي ياابو كاطع ما نخلص لا من هذا ولا من ابو دينصور

واكو مثل يكول علج المخبل ترس حلكه ومااعرف هذوله مخابيل عاقليين الله اعلم

لكن والله يااخي المخبل ما يسويه هذا عقل مدبر وعقل شيطاني ومن هذا النوووووووووووووووووع أكوام

عاشت ايدك على الموضوع

وتقبل تحياتي