ماكو مثل العراقيه

[M!Ss 56ERA]

ماكو مثل العراقية

من تمشي بلشارع الكل تاخذ تحية

وشمحلاهة بحلكهة من تكلهة جنت مريض
تكلك سودة علية
تتحملك لو الحجاج تصير
وتكلك حبيبي احسبهة علية
كلبهة جبير
شوية اكبر من الملوية
ابد ما شالت خشمهة
وكالت اني الاميرة ديانة تغسلي رجلية
اذا كالت احبك يعني خلص
متحب غيرك بعد
بس انت لتلوص ترة هية كلش ابية
تصيرلك حبيبة او صديقة او ام او اخت
وتشيلك مثل ماي البصينية
صير انت زين وياهة
او شوف اذا تلكة مثلهة بهلزمن وفية
اني احب العراقية
مو لان اني عراقي
بس لان هية بس التفتهم علية
واني شجاني او حبيت اجنبية
كل ربع ساعة او تتمقلج علية
ساعة تكلي شو انت ضعيف
او ساعى تكلي شو ماعندك شخصية
لج بابة انتي شفهمج شنو اني
انت ِماتفتهميني

انت ِمو عراقية
عبالج راح احب اجنبية
لا عيني لا
ماريد وحدة تتفيك علية
كل شوية دزلي رسالة
تكلي دكلي على الموبايل حتى نحجي شوية
عمو اني اريدن عراقية
اني اريد العين شيشة عسل
او اريد الشفة لون الورد وردية
واذا يمة حلوة الاجنبية
اواذا تشك شك الاجنبية
بس منين اجيبلها دم العراقية
منو بيهن تكلك بية ولا بيك
او منو منهن تكلك هاك اشرب الجاي من ادية
ربهن دينهن كالت الهدوم
او شوفي البدي هذا حلو علية
وحدتهن تكول قالب ثلج
متذوب لو الفين سيليزية
او اذا كالت احبك
من البرد يكومن يرجفن ادية
وسمعهة بحلك العراقية
من تكلك اموت عليك
عبالك نيزك وكع من الشمس علية

منقوول

[حيدر اللامي]

اذا كالت احبك يعني خلص
متحب غيرك بعد
بس انت لتلوص ترة هية كلش ابية

كلمات رائعة جداا
قصيدة فعلا جميلة
تحياتي لكي تقبلي مروري

[M!Ss 56ERA]

{ أهلآ مُغتربـ
شكرا الكـ عَ المرور منوور ~ }

[ام فيصل]

خوووووش حجي خطيرة
وتستاهل العراقية اكثر

عاشت ايدج عزيزتي
تحياتي وودي

[هاشم نجم]

والله وعاشت ايدج خطيره
خوش حجي وتستاهل العراقيه
قصيده رائعه وكلمات حلوه
لكي تحياتي