ابيات قليله

[ابو امير الياسري]

اريد اقره الشعر هلبت يسمعون
واريد اعراض علتي اتبين الداي
گلت يحبَـيْبه گالت صار مجنون
گلت برموش عينچ جنـّــوا اهواي
اذا سحر الرموش اتحدى فرعون
يظل ساجد ذليل وفاقد الراي
لان ببحور عينچ كلشي مدفون
وصايا الاولين وثلـّـه من هاي
واذا بحرچ نشف هم بي يغرگون
چبدتي ومهجتي وصفحات بعضاي

[ام فيصل]

الله الله يبو امير
صح لسانك عزيزي
قليلة لكن جميلة بمفرداتها واحساسها
شكرا لك وبانتظار جديدك

[محتاره]

راقني عزفك الجميل هنا في حروفك الجميلة
طاب لي المكوث والاستمتاع بحروفك الجميلة
لك ودي واحترامي س ـيدي
تقبل تحيتي

[هاشم نجم]

الله الله ابو امير الياسري
احساس راقي وكلمات قمه في الروعه
قصيده جميله رغم قصرها
دمت بالف خير

[مصطفى المالكي]

من اتغيب انته كلبي ينملي هموم
ولو خلصا دمع اعيوني ابجيهن
وجلمات الغزل بطلت منهن دوم
لان حالف بس الك يغالي احجيهن

استاذي العزيز الياسري
لقد كتب فاجت الكتابه
وعبرت فاجدت التعبير
فبورك يراعك وسلمت اناملك
على ما خطت هنا من ابداع

تقبل مني هذه الكلمات كمجارات لما قدمت هنا

تحياتي

العراقي

[ابو امير الياسري]

الاخت ام فيصل
اشكر لك هذا المرور الطيب وتلك الكلمات الجميله
**************************************
نخوه وشهامه وطيب بارضك يالكويت
والهل سبب معذور يوم أنه حبـّــيت

[PRINCE_07]

تسلميلي يا عسل و انت احلى من العسل

[ابو امير الياسري]

الاخت محتاره
اشكرك جزيل الشكر على مرورك بكلماتي
****************************
محتاره روحي اسنين مو حيرة ايام
محتاره حتى العين ماتقبل اتنام