موال زهيري للامام الحسين / عليه السلام

[هاشم نجم]

السلام عليكم ورحمة الله وبركاته

موال زهيري للحسين عليه السلام



ضامي وكصدت بشغف يا سيدي منهلك

والروح في خدمتك طول العمر منهلك

راجي ثوابي غداً يبن الوصي منهلك


من حيث انته الذي عالحوض توكف غدن

وصدورنه من اللطم مولاي سودن غدن

حاولو ما نوصلك بيام كشره غدن


وبياده رغم المنع كلمن حزم راحله

لكبرك اجت شيعتك عن الاهل راحله

الطاف في حضرتك شاف شكثر راحله


مأجورة يا سيدي اجدام الك تسعه

وتصيح يا مرحبه بيبان الك تسعه

مو كربلاء وقسم الكل اليجي تسعه


بوجه اليضدكم يبن خير العمل صحنه

سكان كل الارض يا سعهه بس صحنه

كثرة شواهد إلك وانجان ما صحنه


اقسم وحك شاربك ماله حسن عاقبه

والمال عن نهجكم الله ثق عاقبه

خلي يشوف المضه سنين شكثر عاقبه


طول الدهر هالبكت صرخت رفض كربله

والي يزورك يجي ما تبقه ابد كربله

الماتبع خطكم لا تمره لا كربله


ومالوم يبقه عمر الدونكم من هلك


-- منقول --

[الشاعر ماجد الدعمي]

اخي الكريم هاشم جميل كل ماتختار ورائع هذا زنجيل الزهيري جعله الله بميزان اعمالك ..
تحيااااااااااااااااتي

[هاشم نجم]

حبيبي ماجد الشاعر
اسعدني اسعدني تواجدك وردك الجميل
حفظك الله من كل مكروه

[أنثى شرقية]

اللهم صل على محمد وآل محمد
طرح رااائع تشكر عليه

وفقك الله لكلخير

[اسدالعراقي]

السلام على الحسين وعلى علي ابن الحسين وعلى ال بيته واصحابه
شكرا اخي العزيز هاشم نجم الورد
على الكلمات الرائعة و المميزة
عاشت الايادي
وتحياتي

[سلام الدراجي]

الله ياهاشم زنجيل ازهيري رائع واختيار جميل وبارك الله بك

[ام فيصل]

عظم الله اجورنا واجوركم بمصاب سيد الشهداء وابي الأحرار
جميل ماتختار عزيزي هاشم
صح لسانك وعطر الله انفاسك عزيزي
زهيري اكثر من رائع - تحياتي لك

[هاشم نجم]

نورتي الصفحه
اختي احلام في الانتظار
عظم الله لكي ولنا الاجر بمصيبة كربلاء
تحياتي لكي