تعبت اشكي تعبت ابكي
تعبت احكي ماسي الروح
قتلني الوقت بظروفه ذبحني وجفف انهاري
اخبي علتي واسكت وأنا في داخلي مذبوح
أجامل وارسم الضحكة وأناقلبي على ناري
أحاول والله يعلم بي أداري دمعتي لأبوح
أداري الجرح وأتجاهل عن اللي ينشد أحوالي
أقول بخير لكني جريح وفي حشاي جرووح
صداها لو دفنته يوم يبين سنين بأنظاري
صرخت بحسرتي يكفي وصرخت بصوتي المبحوح
ألا ياوقت وش ذنبي ؟!
عشان ألفيك بأعذاري
تبعثرحلمي قدامي وغديت بدنيتي منزوع
وقفت ولا قدرت اجمع ما غير مشتته أفكاري
أمنى النفس واخدعها وأقول أن كربتي بتروح
وهي والله مولودة قدر بأرحام أقداري
قتيل والبقا براسي في دنيا مآبها مصلوح
قتيل والقهر قاتل من الليب يأخذ بثأري
أناببقي ضحية وقت أعاني والعنا مجروح
دعيت الليخلق يرحم رجيته ربي الباري
أبي اسعد أنا بلحظه قبل نزعه توافي الروح
قبل مارحل من الدنيا وأروح لأخر دياري
أنابحمل صديد الجرح في باقي وقتي المسموح
وإذاوافتني القدرة تري أشعاري تذكاري
رثائي دمعي الطاهر في صمتهما رضي بالنوح
رثتني قسوة الدنيا رثتني حتى أشعاري
لجل مااضعف بعين اللي نشدني كيفها أخباري
منقول
رد مع اقتباس
رد: تعبت اشكي تعبت ابكي
