حوار مع الشارع

[الشاعر ماجد الدعمي]

تعال ..
وشوفني بياحال
بغيابك صرت ضايع
اشوف الناس كلهه انت !
عيوني بعينهه تباوع
واكولن هذا مر منا
واردن وانشد الشارع !
حبيبي ما أجه منا ؟
روحي بغيبته تنازع !
وبجه الشارع !
ودمعته اعله الرصيف اتطيح
وجاوبني واسمعه يكول
حبيبك من زمن ضايع
انت المن الصدك شاريه
لكنه طلع بايع !
واحس بروحي كالمجنون
وعلي الوادم تباوع !
وارد اردود للشارع
واحلفه بكل عزيز اعليه
وانشده ودمعتي اسافر
خطوته ما اجت منا ؟
ما جابه البخت لهنا ؟
جفانه وما سأل عنه
وياكلنه العطش والاه
وكطرة ماي امس ردناه !
ورجعت ودمعتي اسولف
ايس ماجد تكلي
الدار الوجه غفله وراح
لاتتناه !

تحيات ماجد الشاعر
7/2/2009

[ام فيصل]

العشق فن نرسمه بمشاعرنا
والمشاعر حينما تتدفق تصب في قالب الجمال
وهنا رايت شجون -- وعواطف -- وشوق
رسمتها باحاسيس صادقة -- متألمة
تبحث من خلالها عمن يطفئ تلك الأحاسيس المتأججة

مبــدع بكل حروفك يــــــاماجد

[سلام الدراجي]

حياك ماجد قصيده رائعه مبدع في كل كتاباتك عاشت ايدك حبيبي الغالي

[الشاعر ماجد الدعمي]

تحياتي سيدتي الغاليه
وشكرا لمرورك الرائع
والمميز دائما لك مني الود
ودعواتي لك بالصحه ..

[هاشم نجم]

قصيده رائعه
عاشت ايدك يامبدع
تحياتي لك

[الشاعر ماجد الدعمي]

اخي الزير روماني العزيز دائما تنور متصفحي تحياتي لك وحبي

يسلموووووووووووووووو يا غالي

[مرام سامي]

الله كم قصيده رائعه يا ايها الشاعر ابدعت بكلماتك الجميله تمنياتي الك بالتوفيق