ـأبـــــــــو ذيـــــــــــــــاتــــــــــ روووعهـــــــ***

[محتاره]

مســــــــــــــاء ـألخيــــــــــر والــــــــــورد

ماله البخت مايل مال حظنه
وفرح مرة ابدربنه مالحظنه
الولف مو مال اعوفه مال احظنه
وأبوسه ابشفته لو صح أباديه

الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه

جنت لابس فرح ياكلب شعراك
وكمت تكتب بطور الحزن شعراك
امس سبوره ياهراس شعراك
وصرت مرمى الطباشير المنيه

برخص سود النوايب عاملني
وعمايل سود بيه عامل أني
عكب ما جنت سيد عامي لني
ابهواك اوشورت بجفاك بيه

ورد قداح اهديلــــــــــك ..... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية

احب مجنون لو كلك وعرباك
كرد ما تلحك اوصافك وعرباك
افصلك بالشعر جمله واعرباك
واتبعك بالعطف غصبن عليه

تضل تبجي لون تسمع معاناي
وغنة لو سولفت همي مع ناي
المصايب ترجمـن بية معاني
كلمن فكر ياخـذ درس بيــة

تحياتي للجميــــــــع

منق ـو ـووول