لان جرحك قصيده تبجي العيون
ولان غدار وكتك ماصفه وياك
يابيدر وفه واوصفك بيش ؟
وكت بيد المايقدرك ليش حطاك ؟
ولان انت العزيز بخاطري تبات
عجيبه اعله الزمان شلون بجاك
مشاك بدرب صوبينه لوعات
وعلى باب الفرح مامره وداك
ياليرة ذهب مو بيد اهله اتطيح
وياغنوة امل ميغيب طرواك
دمعتك هاي تنزل عالجرح نار
وطلقه بعين كلمن مره عاداك
دمعتك هاي اسولف بيها السنين
وعلى درب الصبرمهيوب ممشاك
ولان صوتك يمر بصفنة الروح
بكل رمشة جفن صدكني الكاك
ولان ربك يريد يعوضك الفات
ثلث بدور شال بجفه وانطاك
ثلث بدور شال بجفه وانطاك
*********
تحيات ماجد الشاعر
28/1/2009