شأسولف عن معزتك

[الشاعر ماجد الدعمي]

شأسولف عن معزتك
خاف ما اوفيك
وشكتبلك شعر متكفي اشعاري
يل طيفك ينام ابباب رمش العين
ويل ساكن بروحي وملهم افكاري
صابني الجنون وتيهت ممشاي
تسمحلي ارد اسألك
بي ما داري ؟؟
صير شما صرت
بالبعد وين تكون ؟
وهذا انه نهر خلكي
يظل الك جاري
بكل صفنه التمر وداعتك الكيك
وشما يغمض جفن الكيك خطاري
واذا يمنتي بأيدك دمعهه يسيل
وتموت من القهر
يحبيب ايساري
خلني شما اصير وكون انت بخير
ولعيونك خلهه شما تشب ناري
ولون بعيد عني والطريق بعيد
لكني احسك ياترف جاري !
انه بدونك بس رافكاني (الشير )
وحالي صار يشبه حال( ساري )
يانسمة صبح تغفه اعله الروح
والريح الجاي منك ينعش الذاري
يل شوكك قصيده تناغي نجم الليل
ظلت طيوفي مراكب جابهه الطاري
شاسولف عن معزتك خاف ماوفيك
وشكتبلك شعر ماتكفي اشعاري



ماجد الشاعر
18/12/2009

[ام فيصل]

أذابتني روعـة الإحساس

فلقـــلمك بــوح ٌ آخر ياماجـــد

وقرأت بين الحروف حب -- وعذاب -- وشوق ٌ ضاعت خطاه

وكعادتي -- خضــت ُ في بحـر حروفــك --- وعنفــوان كلمــاتك

لاحرمت هذا السيل العارم من المشاعر

وتحياتي لك

[هاشم نجم]

الله الله ياماجد دائما انت مبدع
عاشت ايدك ولا حرمنا الله من هذا الابدع
تقبل مروري وتحياتي

[الشاعر ماجد الدعمي]

اخي الكريم هاشم شكرا لتواجدك الدائم
وكلماتك العزيزه على قلبي /تحياتي