انت وحــــــــــــدك

[الشاعر ماجد الدعمي]

انت وحدك ...
ساكن بروحي الحزينه وما مشيت !
وانت وحدك ...
بس الك سالت دموعي
ولخاطرك هلكد بجيت !
وانت وحدك ..
تلتم جروحي اعله بابك
وانت الك في روحي بيت
انت كل لحظه اعله بالي
وماتمر لحظه ونسيت !
واني .....
مشدود لعيونك مدري ليش ؟
ومدري بحروفك امس اني شقريت !
الكيت كلشي بروحي مكتوب اعله روحك
والكيت كلشي ابالي يمر اعله بالك
ومنين ماديرن عيوني الكيك صوره
صوره راسمهه الزمن بعيون شوك !
واني زراع عيوني اعله دربك
وانتظرتك لمن اجيت !!
ومن اجيت ..
ضحكت سنيني الكظت بالفركه نوح
وركصت طيور الفرح فوك السطوح
اني من دونك اضيع
اصير كل الدنيه ظلمه
ووين اروح ؟؟؟


تحيات ماجد الشاعر4/12/2008

[ام فيصل]

ومن اجيت ..
ضحكت سنيني الكظت بالفركه نوح
وركصت طيور الفرح فوك السطوح
اني من دونك اضيع
اصير كل الدنيه ظلمه
ووين اروح ؟؟؟



ومن اجيـــت .. نزلن دموع الفرح مني وبجيت

ماسألتك ليش بدروب العشك عني مشيت

وحته كل كلمة نسيت

بس ذكرت ايام نوحي يوم عن عيني جفيت


شكــــرا عزيزي -- عاشت يمينك ياماجد

[الشاعر ماجد الدعمي]

شكرا ام فيصل للرد الجميل والمميز الف تحيه لك اختي الكريمه

[محمد السوداني]

قصيدة رائعة صح السانك اخ ماجد

تقبل تحياتي وتقديري

[الشاعر ماجد الدعمي]

تسلم اخي العزيز محمد وسعيد بمرورك الكريم لك تحياتي

[نومة]

روعة
عاشت الانامل الي كتبت كل كلمة
تقبل مروري

[نومة]

[الشاعر ماجد الدعمي]

شكرا اختي العزيزه نومه وسعيد جدا بمرورك الكريم