الى ............................ ؟

[الشاعر ماجد الدعمي]

نام ...
وطول نومتك شكثر ماتكدر
لاني اعرفك لو اجاك الماي
ادريك بشبر من عنده وك تغرك !
وادري بصوتك لو نويت اتصيح
غراب البين جنك ساعة الينغك !
وادري بكصة العندك صخر جلمود !
ومعروف الصخر مايستحي ويعرك !!
هذا انه الفجت ببحور كل الناس
واعرفت اليحب واليكره ويعشك
التندك بيه الدنيه ومايطخ الراس
الك ظنك يدنك من انت بيه تندك
واليقبل الطكه ويحضن الطكاه
يتعود عليها بكل وكت ينطك !!
علمني الوكت وانه للوكت ممنون
والابيض اشوفه ما اكله ازرك !
وعليمن ياعتب شينفع حجي اعله الراح
عتبك ع الجدم ع الكاع من تزلك !!؟؟
البالون شتنفخه مايكلك ليش
بس نفجه اعله نفخه يروح يتمزك !!!


تحيات ماجد 4/12/2008

[ام فيصل]

وادري بكصة العندك صخر جلمود !
ومعروف الصخر مايستحي ويعرك !!
هذا انه الفجت ببحور كل الناس
واعرفت اليحب واليكره ويعشك


الى ............. خاين العشــرة


والله ياماجد القصيدة كل شطر احله من الثاني

وكل كلمة تنحط عالجرح يطيب

باقي -- بقاء نخيل العراق ياماجد

شامخ اشما يمرك ضيم

احسنت يامبدع -- يافنان

تحياتي لك

[الشاعر ماجد الدعمي]

وانا لاادري كيف ارد عليك اختي الغاليه ولكن ترقبي قصيدتي المقبله تحياتي

[نومة]

صح لسانك

[الشاعر ماجد الدعمي]

شكرا عزيزتي نومه وممنون منك للمرور الجميل وايامك سعيده

[عاشق عيونك]

نام ...
وطول نومتك شكثر ماتكدر
لاني اعرفك لو اجاك الماي
ادريك بشبر من عنده وك تغرك !
وادري بصوتك لو نويت اتصيح
غراب البين جنك ساعة الينغك !
يسلمووووووووووو ماجد


تحياتي

[الشاعر ماجد الدعمي]

حبيبي عاشق عيونك تقبل ارق تحياتي وشكرا للمرور الرائع