قصيدة الاخوه

[محمد السوداني]

للشاعر
نائل المظفر

مو كلمن فتحلك بابه يهواك
ولا كلمن يكرهك بابه ينسد
اكو مسدود بابه وكلبه مفتوح
واكو مفتوح بابه أو كلبه اسود
اذا طشيت صحبانك على الماي
اثكلهم وفه جواك يركد
وخففهم يضل طافح على الراي
يروح ويه الجزر ويرجعه المد
اذا تحتار سافر تعرف الناس
منو ايهد القطار او يوكف ازيد
اكو تشده ابحبل ويكطعه ويروح
واكو بكل الشرف علسجه ينشد
واكو ابمشية قطارك عينه تحتار
اوبالحظه الاخيره اوياك يصعد
واكو ايشيل المحطه ويه القطارات
ويدكه على كلبه اوصدره ينسد
فرق بين اليعبدك بالمحطات
او فرق بين البناك ابكلبه معبد
لاتامن بشر منطينه مخلوق
بس اربع طعش طينه محمد
مو كلمن ضحكلك منه ترتاح
تره ناب الضبع كل ضحكه تنحد
ولا تحقد على كلمن يبجيك
اذا دمعك طفح صدكني تبرد
البشر دله اويفور ابداخلها الضيم
واذا يطفح دمع نيرانه تخمد
ولا تحقد على الصعدوا بالجناح
معروف الصكر لوجنحه ينشد
او مو كلمن نزل يسمى مذلول
ولا كلمن صعد يسمى امجد
اكو صاعد رغم ماهو عالكاع
واكو نازل يضل لو بالقمه يصعد
راسك منتصب اعلى من الايدين
بس من السهل تتناوشه اليد
وذا عندك جبل خلهم يصعدون
فرق بين الصعد وراد يصعد
اكو ايهده الجبل لو هد الجفوف
وكو ايهد الجبل لو جفه ينهد
اوعلل مبرد كفر تنغر السيوف
لان سيف اعلى سيف بكلبه ينحد
واذا عنهم رحل كلهم يخصرون
شنو ذبح السيوف ابليه مبرد
مايرحل جذب موخاف يعمون
ويضل السيف تالي ابكصبه ينصد
واذا تعزف لحن ويهمك انسان
لاتكطع كمانك صعبه ينشد
مرات اللحن ما يطرب انسان
او مرات البشر ذاناته تنسد
او مرات اللحن يطربه طرشان
بس طبع اليسمعه زور يشهد
على البلبل يكلك منكر الصوت
وا ذا ينهك حماره ايصيح غرد
واذا حجيك حكم وتخاطب الناس
كل راس على كده وياك ينشد
لان روس البشر عكس الفراغات
وكل ماتنترس تستوعب ازيد
واذا تحجي اويرد صوتك كما كان
يعني اليستمع فارغ مجرد
صوتك مايرد للراسه متروس
لان بس بالفراغ الصوت يرتد
واذا ضيمك كبر لاتحجي بالعين
اوتشف الدينه كله ابلون اسود
منو بهذا الوكت ماغيره الضيم
حتى ابيوم الحد ماكو احد
لاكن لا تضل تحسب توابيت
انى كبلك علي صب اسود العد
ارفعت راسي اوكمت احسب بالاعراس
وعلى خشم سواد البيض انكد
ولو اذاني الطفل من شفته بالعيد
يشد بجروح ثوبه اودمعه عالخد
بس اني افرحت جي شفت الطفل
مسح كل الدموع اوراح عيد
علمنه الطفل نصبر على الضيم
او طلع منه الطفل ايمانه ازيد
اريد اطرح قضيه وانتو اسلام
واريد اسأل جمعكم واطلب الرد
بنيتو اشكد معابد كلهه عالكاع
منو البيكم بناله ابكلبه معبد
ما كولن كفر لو قله ايمان
لكن مهزله او ماألهه احد
لثلاثه الملاهي امفتحه بليل
او بالعشره الجوامع كله تنسد

مهداة الى اخويه العزيز

[ام فيصل]

بنيتو اشكد معابد كلهه عالكاع
منو البيكم بناله ابكلبه معبد
ما كولن كفر لو قله ايمان
لكن مهزله او ماألهه احد
لثلاثه الملاهي امفتحه بليل
او بالعشره الجوامع كله تنسد

رائعـــة جدا عزيزي

احسنت لهذا الإختيار المميز
وصح لسانك ولسان الشاعر المبدع نائل المظفر

قصيدة بينت حقيقة الناس
وعلى الإنسان ان لاتغره المظاهر

تحياتي لك يامحمد

[حبة كرز]

اااااااااااااااخ والله صح
يعطيك العافية اخوي

[محمد السوداني]

شكري الجزيل للمرور الرائع

اختي العزيزة ام فيصل
والاخت العزيزة حبة كرز

منور الموضوع بتواجدكم

تحياتي وفائق احترامي

[العراقي الاصيل]

مشكور حبيبي الغالي حمودي
على هذه الكلمات الرائعه يا رائع
تقبل ارق تحياتي
اخوك
العراقي الاصيل
حبيبي الغالي نتضر جديدك دائما

[محمد السوداني]

منور حبي ابو حسين الورده

شكرا جزيلا لمرورك الراقي ياراقي

تحياتي الك حبي