رجاءا من يقره هذي القصيده ادعو لمن كتبها بالصحه والعافيه وطول العمر

[حيدر اللامي]

السلام عليكم تحياتي الكم شباب بنات وياريت من يقره هذا القصيده يدعو لكاتبها بالصحه والعافيه وطول العمر وهذي اخر قصيده كتبها الشاعر الكبير
كاظم اسماعيل كاطع
وما اطول عليكم .......

ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل… ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله.. الدنيا ليل… ونقطة التفتيش سنطه
هاي نقطه ويمها واحد
نقطتين. ثلاثة. خمسه
ست نقاط ويمها واحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطكته ريحة الحنطــه
ما لكه غير العلم.. كلي شيـفيدك
كتله غربه
إحنه غربه
ومن نموت هناك… جا بيش انتغطه؟
أخذ للجنطه تحيه… وكلي توصل بالسلامه
وهاي أول مره أفوت بسيطره…
وما انطي رشوه وتستعد كدامي شرطه

[ام فيصل]

بجرة السَحَاب شافت عينه نجمـه
وطكته ريحة الحنطــه
ما لكه غير العلم.. كلي شيـفيدك
كتله غربه
إحنه غربه
ومن نموت هناك… جا بيش انتغطه؟

الله الله على حب هالوطن

متشعب بشريان العراقي ويمشي وي دم الوريد

عزيزي مغترب الف الف شكر لك على هذا الإختيار الرائع

قصيدة آلمتني كثيرا واجرت دموعي

والله يعطيه الصحة والعافية شاعرنا المبدع

كاظم كاطع صاحب الإحساس المرهف

احسنت في الأختيار والله يعين كل مغترب

ويرده لأحضان الوطن

تحياتي لك يامميز

[عاشق عيونك]

ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل… ذاك حد السيطرات
وذيج ضوايات المحطه


الصحة والسلامة الة يارب


شكرا الك مغترب



تحياتي

[سلام الدراجي]

المغترب تسلم على هاي القصيده الرائعه بحب الوطن بارك الله بك

[محمد السوداني]

قصيدة رائعه عاشت ايدك اخويه العزيز

والله يطولنا بعمر شاعرها وناقلها
لك تقديري واحترامي...

تحياتي الك يا راقي

[حيدر اللامي]

شكرا لكم ولمروركم الحلو نورتوووووووو
تحياتي لكم