بغداد وايام زمان ..الف نعله على الغربة والله دمرتنه

[محمد السوداني]

هاي اول الاشاء الي مشتاقله موت ابغداد ههههههههه,
ادري راح اتضحكون بس صدكوني اني من اشوف اكلنا احس اني بالغربه كلشي مدا اكل
وهسه اني جعت حييييييييييييييييييل
والكل معزمومين
/

/

/

/

/

/

الفاصوليا يابسه من تجي ميت جوع واتلكي امك مسويه فاصوليا

استكان الجاي المخدر وره الفاصوليا اليابسه ايكعدك وزن

الركي الله من تطفه الكهرباء والركيه بارده خخخخ

الزرده اذكرني بل جوارين

الكليجه بكل المناسبات موجوده حمص وبكل جدر ينبص

لبلبي مال الشورجه وباب الشرجي وباب المعضم وانت ماشي

السمج المسكوف وريحت النهر والخبز المكسب على ضفاف دجلة

هذا الخبر لو بلا كرصه من التنور

الصوبه واحلا جاي من الصوبه لان يتخدر على كيفه بل قوري والكتلي شكبره

كباااااااااااب وما ادراك مالكباااااااب وبصل وطماطه وتكعد بل حديقه بل شارع والهوا يضرب بيك والاكل

حار وصمون حار وريحت المنقله وراها استكان جاي تكعد وزن

الكاهي وكيمر هاي الصبح من تكون لعائلة كلها بالبيت

كبه حلب وبتيته جاب

اتمن باكله بس لا جعتوا

باميه وثريد الباميه والنومه الوره الباميه والجاي والله ونسه

ياربي يرجع الامان والاستقرار للعراق ويرجعون العراقيين يعيشون ايام الخير والافراح وتنتهي الاحزان

والقتل والموت
امين يارب

م&ن


الف عافيه

تحياتي

[همس الغروب]

وربي جـــــــــعت
محمد مشكور على الاكلات الحلوه
تحـــــــــياتي

[مزاجية]

مشكور اخي على الموضوع وانشالله برجع الامان للعراء وبترجع تاكل هناك وبتعمل اليبدك ياه


دمت في حفظ الرحمن

...........حبيبت العراقي

[محمد السوداني]

العفو احزان منوره الموضوع برورج
بس اكول اكو ماعون تبسي اختفه ههههههههه ادري غير تعزميني
هاي انتي بالعراق وهيج بس شفتي الصور جعتي
لعد اني الله يساعدني ....
تحياتي الج ولماعون التبسي

[محمد السوداني]

مشكور اخي على الموضوع وانشالله برجع الامان للعراء وبترجع تاكل هناك وبتعمل اليبدك ياه


دمت في حفظ الرحمن

...........حبيبت العراقي

برجع الامان للعراء ..........يرجع الامان للعراق هيجي ينكتب ههههه

اريد افتهم شي من الي كتبتي ........ادري كالولج عني اقرأ الخط الهيروغليفي
لو شارلك هومز واكدر افتح طلاسم ردج.....هههههههه
شكرا اختي العزيزة للمرور الرائع تحياتي الج

[همس الغروب]

ماعــــــــون التبسي آني سويته حقي اخذه
ثم شنو (برورج)
هاذي مو من الطلسم..
ههههههههههههه
ثم حبيبت عراقي دتحجي باللغة الفلسطينية ليش تصنف عليها؟؟ههههههههههههه

مرة ثانية الاكلات حلـــوه

[العراقي الاصيل]

الله على موضوعك يا ورده
طبعا مكانك خالي بوسط اهلك بكافه المحافضات
بس صدك حمودي انته اهناك متكدر تاكل هذه الاكلات ؟؟؟؟؟
لعد شلون مكضيهه بالله لو اكو فلافل جان كلنه بس شمسوي مااادري؟؟؟
تحياتي ياورده

[لؤلؤه الفرات]

اذا انت بالغربه ان شاء الله ترجع والله ماكو اطيب من اكل العراقيين مثل البرياني والباميه والباجه ولبسمج المسكوف وكثير من الاكلات العراقيهان شاء الله كل الي بالغربه يررجعون