تعــــــــــــــــــال

[عاشق عيونك]

((تعال))



تعال انسى الزعل وأنسى ألگلت والگال



وخلينا نعيش أبلا مشاكل



صير انت بمكاني وقرر شمتريد



وشتقرر حبيبي أني قابل



تدريني ضعيف گبال زعلك ليش ؟؟؟



على زعلان ....وتبيع المراجل



فخر مالك تصد عني ولا مقبول



تتعذر علي عندك مشاغل



وأنا لأجلك عفت ياما عفت اشغال



ولا گتلك حبيبي بيوم باطل



بسبب حبي ألك سموني مجنون



وتدريني حبيبي شكثر عاقل



خلينا نتعاتب كافي البعاد



والغلطان ينطي شوي تنازل



ومو عيب التنازل بين الاحباب



بس عيب الزعل عيب التحامل



تعال أنسى الزعل خلينا ننسى ألراح



وأبدي وياي صفحة من التفاؤل



ياعيد وفرح وسالوفه... للعشاك



يلخدك ورد يكفي مناحل



ألف مرة غلطت ....مرة غلطت وياك



يبن الناس أحسبهه تعادل



يعطر الرازقي ألفاح ويه نسمة گيض



ورموشك شبه شتل المشاتل



حبيبي أرجوك خلي نصفي الگلوب



ونعيش أثنينا بحب وتواصل



وأنا خلافك مصيري ألموت محسوم



مثل زرع بحلگ فوس ومناجل



مثل زرع بحلگ فوس ومناجل

[ام فيصل]

وأنا خلافك مصيري ألموت محسوم



مثل زرع بحلگ فوس ومناجل


الله على هذا الإحساس والتصوير الجميل


سلمت يداك ياعاشق

رائع في كلماتك دوما

[عاشق عيونك]

شكرا ام فيصل ع المرور منورة يلغالية



تحياتي

[بكاني الغرام]

سلمت يمناك ع القصيده الجميله

تحياتي الكـ ...

[عاشق عيونك]

شكرا بكاني الغرام نورتي الصفحة




تحياتي