للغزل فقــــــــــــــط

[عاشق عيونك]

عطشني بحلاتك ارد اموت عليك ،،
واسكَـيني ابمرارك احتي واسكر .
يل تارس شليلك بالورد اشكال ،،
وبخدك ورد كل شوفه يتغـير .
أدوخ أمفـصلات اشفايفـك تـفـصال ،،
من تغـضب شكل وبشكل من تغـتر .
يل المعـتـق عيونك بالخمر بهداي ،،
بس ادير عينك عل الخلكَـ تسكر .
اشوفنك امكَـبع ما افرزن هاي ،،
عباية المتك لو شعـرك اطشر .
مدري اشلون تمشي ،، واتمشي مدري اشلون ،،
كَـوه امركدات الخصر والموكر .
ماتكفيك اديه من حضن الجتفين ،،
بس خصرك الزمه باصبعـين اكَـدر .
لو اعرف زفيرك جاب عطره منين ،،
تسمح لليحب بالزفر يتعـطر .
انا بكل قواي وبس تحرك اشفاك ،،
احس اتموع روحي ابسدك واخدر .
طشها الواهلية من الضحـك عل الرووس ،،
لاجلك لونطش اكَـلوب مانخسر.
دخيلك لا تغـرد لا تبجي الناي ،،
يل صوتك أوذان وللحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر

[محمد السوداني]

الله روعة لو هذا الغزل لو اقرأ على الجمال السلام

بوركت وعاشت يداك اخي العزيز عاشق الراقي


لك ودي وتقديري

[ام فيصل]

دخيلك لا تغـرد لا تبجي الناي ،،
يل صوتك أوذان وللحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر

الله على هالغزل الرائع

بس مااتصور هالصفات مجتمعة ابشـر

هذي اكيد صــورة مرسومــه ...!!!!!!!!!!!!

مبدع ---- ياعاشق

ومن عنوان القصيدة فهمت (( للغزل فقط )) يعني صورة مو حقيقة

[حسام الرسام العراقي]

راقي كلش عاشت ايدك يا مميز

[عاشق عيونك]

حبيبي حمودي منور يلغالي شكرا ع المرور



تحياني

[عاشق عيونك]

ام فيصل منورة الموضوع شكرا ع المرور




تحياتي

تسلم على ما اخترت من تعبير جميل

تقبل مروري

[عاشق عيونك]

مشكوريـــــــــــــــــــــــــــــــن يا حسام ومصطفى ع المرور نورتوا الصفحة يا طيبين

تحياتي