وفاة امــــــــــــي
رشفة من العذب عطشان ترويني
احس سهمچ نفذ باصلب شراييني
تره گلبي رچيچ ومثل باقي الناس
انت اول شخص يعرف موازيني
احسب بالوكت مدري الوكت عداد
چن ساعات وكتي باگت اسنيني
وصدگ صرتي سوالف والزمن دوار
ييمه وصورتچ تفتر على عيني
محطه ليل تاهت والعمر رحال
انه اخلافچ يتيم ا ومن يسليني
ييمه اشلون بيه والهموم اهواي
علي اترادفن والفرگه تچويني
صحت يمه ييمه وصوتي ظل مبحوح
امنگولن يمه يمه هم تسمعيني
احسچ فوگ راسي من يمرني الضيج
واحسچ والله دم يسري بشراييني
ييمه الدم مثل حالي عليچ ايصيح
اخر قطرة منه اتگول تانيني
انه بگلبي مكانچ ظل يبعد الروح
ويم اتراب گبرچ فدوه غطيني
ييمة الموت من الله ترا مفروض
بس ردتچ ييمه انتي التشيعيني
غفلة الدار گالتلي يا ضياءلابو الحسنيين يمه اهناك وديني
للشاعر فائق كاطع حسن
رد مع اقتباس