سمعتم اعنيه شعبان عبد الرحيم لأوباما الجديده
اياك بارك اوباما ما يكونش زي بوش
مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس
وهييييييييييييييييييييييييييييييييييي
خلينا زي ما احنا ما الهم خدنا عليه
راح بوش وجه اوباما ايه يعني هيحصل ايه
لسه فلسطين محتله والحرب في العراق
والناس عايشه في مذله وعداء يجيب عداء
وهييييييييييييييييييييييييييييييييييييي
مهما هيعمل اوباما ويلف شمال ويمين
لا يرجع الحريري ولا حتي الشيخ ياسين
عرفات مش جاى تانى اللى عاش ايام سواد
ومات والكل عارف بحركات من الموساد
وهييييييييييييييييييييييييييييييييييي
يا عربى الف سلامة يا عربى يا عينى عليك
قاعد مستنى اوباما علشان ياخد بأيديك
ولا بوش ولا اوباما هيفكروا ابدا فيك
يا عربى مفيش غير ايدك هى اللى راح تحميك
وهييييييييييييييييييييييييييييييييييييييي
بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين
ما هو بوش ابن المجنونة شعللها في كل مكان
افغان وعراق وغزة واخرها سوريا كمان
وهييييييييييييييييييييييييييييييييييييي
هيعمل ايه اوباما في مصايب بوش وابوه
ما سابوش مكان في العالم الا ما خربوه
مجاعات وأزمة ماليه وخرب ودمار وحروب
اهو غار ابن المؤزية وسايبهالنا ع الطوب
وهييييييييييييييييييييييي
الله شعبان ده يجنن والله ايه رأيكم بقي اكيد السي ان ان هتتكلم علي الاغنيه دي زي ما أتكلمت علي اغنيه انا بكره اسرائيل
هههههههههههههههههههههههههههههههههههههههههههه
رد مع اقتباس
.gif "66 (46)")
شكـــــرا