تدرون المن احب

[عاشق عيونك]

تدرون المن احب

شفايف حبيبي عسل وعيون عدها وساع

والشعر لو حلته يوصل يلوح الكاع

خدها ورد من اشم واني شكثر طماع

كلما اشم ريحته يرجف كليبي بساع

والرقبه مثل العلم شايف علم ينباع

وعدها وشم عالصدر نخله ونهر وشراع

وعدها اهل من صدك كلهم يخوتي سباع

بس فكروا المن احب حبي تراهو شاع

تدرون المن احب غير العراق الضاع

والله السبب مو هلي دخلوا علينه ضباع

شالوا خريطة وطن وحطوا محلها ارباع

واحد يجر بالعرض والثاني كله ادفع

[ام فيصل]

والرقبه مثل العلم شايف علم ينباع

وعدها وشم عالصدر نخله ونهر وشراع

الله على هالقصيدة الرائعة

والوصف الأروع

ومنو اغله حبيب عدنه غير العراق

عاشت ايدك يارائع

تحياتي لك ياعاشق

[محمد السوداني]

كلك ذوق يا ذوق قصيدة رائعة جدا
بوركت اخي العزيز وشكري الجزيل لأنتقائك المميز

مع ارق التحايا

[عاشق عيونك]

شكرا ام فيصل الرائعة ع المرور

شكرا حمودي الغالي ع المروز



تحياتي

[سلام الدراجي]

--------------------------------------------------------------------------------

والرقبه مثل العلم شايف علم ينباع

وعدها وشم عالصدر نخله ونهر وشراع

تسلم ياعاشق قصيده رائعه بحب الوطن بارك الله بك

[عاشق عيونك]

منور يلغالي الزير شكرا ع المرور



تحياتي

[ابو علي الصكر]

موطني يا بيت الاحزان ..
والله مانبيع هذا الوطن وترابه..
\\\\\\\\\\\\\\\\\\\\\\\\\\\\\\\\\
اخي الغالي احي فيك هذا الحب وهذا العشق ....
ننتظر منك كل جديد
الصكر

[عاشق عيونك]

ابو علي منور حبيب قلبي شكرا ع المرور



تحياتي