قصيده \ للشاعر عماد سامي

[سلام الدراجي]

الاخوه الأعضاء السلام عليكم ورحمه الله وبركاته

هذه ألقصيده سمعتها من الأخ الشاعر عماد سامي القيسي في امسيه يوم السبت المصادف 15 \11

وحبيت انقلها لكم فأرجو أن تعجبكم

شجا هذا الشعب بي كثره الرايات

وكلمن سحب سيفه ولزم رشاشه

وبعد ذاك الحزب بالجملة عدنه أحزاب

وتيارات عدنه بگد الكشاشه

صرنه احنه السبايه وهمنه هم حسين

تاهت بالوطن ما نعرف الباشا

كبل حجاج واحد يعدم شميريد

ونهتفله نعم بالگلب غباشه

ملينه بعد شنتابع احنه أخبار

إرهاب وظلم وأطفال عطاشه

كافي من الظلم مو صار خمس أسنين

اعتقالات ورعب وأحزاب غشاشة

ملينه العمر مو خلص بس حسرات

وصدري من التتن سويته خرخاشه

عگب ذاك الترف والعيشة عال ألعال

حارس هسه أبويه وأمي فراشه

صارت بالعكس تفتر علي دنياي

خانوني الخدم من چانو بداري

تخلو ناسي عني وصرت وسط الموت

ظل ياشير يمي أتبدلت ساري

أخوتي بمعركة استشهدوا لجل الدين

ومنهو ألي اندبه ويأخذ بثأري

چنت اعزف محنه بدگه الفنجان

وگطع من وريدي واسگي خطاري

امرض الروح أصخن واسحب الدلات

لو لحظه انطفت من الخجل ناري

بسمار الوگت والگلب خشبه صاج

أشوفك عيب بس تنشد على غياري

مليت الشعر والوزن بيه احتار

اكتب مجر شي ويطلعلي نصارى

مع تحيات

الشـــ عماد سامي ـــــاعر

القيسي

[همس الغروب]

قصيده رائعة

مشكور اخي على المجهود
تحـــــياتي

[ام فيصل]

كافي من الظلم مو صار خمس أسنين
اعتقالات ورعب وأحزاب غشاشة
ملينه العمر مو خلص بس حسرات
وصدري من التتن سويته خرخاشه

والله ماأكول الا ياصبــر ايوب صبرك ياعراق
حته الصبر ضاك من صبر الصبرته

صح لسانك يالروماني
ولسان الشاعر الصابر عماد القيسي
احسنت في اختيارك يامبدع
وتحياتي لك معلمي

[هاشم نجم]

وعليكم السلام
عاشت ايدك اخي الزير على هذا النقل
قصيده اكثر من رائعه
تقبل تحياتي ولك كل الاحترام

[اسدالعراقي]

شكرا اخي العزيز الزير روماني الورد
على القصيدة الجميلة و المميزة

[سلام الدراجي]

وصح السانك اختي ام فيصل وتسلمينعاى ردك الرائع الجميل

[سلام الدراجي]

تسلم اخي هاشم لردك الرائع والف شكر

[حيدر اللامي]

صح لسانك ولسان الشاعر ( عادل محسن )


قصيدة رائعة -- مشكور على هالإختيار المميز

تحياتي