كله بيضحك علي كله

[كريم هشام]

أعترف بالغباء يمكن
أعترف بالسذاجه ممكن
لاقيت ناس وصدقتهم
وبطيبه وهبل إفتكرتهم
ناس طيبين
آتارى الناس مبقوش ناس
ولا طيبين
غريبه يا دنيا بنصدق الكلام
والأدب والإحتشام
ونقول أه دا فلان غلبان
غريبه يا دنيا صدقتك
تلاقى ناس تقلك قال الله وقال الرسول
وهما طريقهم آآآآآآآآآآآآآه طريق شيطان مسعور
غريبه يا دنيا
بقول للبنات .......................
إياكى الناعم واللى كلامه معسول
ولو كنت بنت جد يقلك حضرتك

وشويه وشويه ويقلك ضحكتك
وتكبر فى دماغه ويقلك نمرتك
غريبه يا دنيا
زمان يا أخونا
الناس كانت بتعرف بعضها فى لقاء أو فرح
أوحتى جنازة كمان وبكلمه حلوة تتآلف القلوب
قلوب صافيه دافيه
دلوقتى يقلك النت والواد والبت
دى بت حلوة يا صاحبى
يقله المعلم عيش يا مان
ولو بت جامده متنسانيش كمان
غريبه يا دنيا
هوه دا التعارف بين الإخوان
وتعالى أقلك على المتجوزين كمان
تجيلك ست وطبعا على النت
تقلك صديقى وصحبى ورفيقى
وتيجى فى النهايه تعرف المحال
الحلوة الغندورة عندها كوم عيال
وجوزها يا ويلداه نايم مع العيال
غريبه يا دنيا
وتعالى أقلك على عز الرجال
راجل متجوز وعنده عيال
وليله ونهاره فى بت شغله باله
مهو نت وما كتر المواقع يا عالم شىء محال
غريبه يا دنيا
وفى نهاية كلامى سلام الله ختامى
وبقلك يا بنت الحلال خلى بالك النت غابه
وإنت الغزال
ولو حد ضافك وقالك صديق
قليقله أخاف ربى فى يوم مالهوش دلال
وإنت يا إبن الحلال إتقى عرض غيرك
عشان متجيش فى يوم تلطم على عرضك إنت
وتقول يا ريت يا ربى مكنت عملت اللى كان
خلاص كدا الكلام يمكن
بس ليه معاكوا وقفه
كل يومين إتنين كمان
وبقلكوا صحيح ....................
أنا مطلعتش غبي
أنا فهمت معاكوا دنيا
فانيه إلى زوال

[عيون القط]

(كلام كميل كلام مئول مئدرش أئول حاكه عنو) كتبتها باللهجه المصريه زي المطربه متغنيها
عاشت ايدك كريم على هذا الشعر
وكلام جميل فعلا
شكرا على النصائح الغاليه
تحياتي وبالتوفيق

[بوسي 2]

ايه ياكريم الموضوع الجامد قوي ده بجد حكايه
لا دا احنا معانا شخصيه فزه بقي واحنا مش
عارفين ايه الكلام الجميل ده ملخص حقيقي
فعلا للأحوال داخل هذه الشبكه حقيقي تسلم
ياغالي لا ليك عزومه حلوه علي الموضوع ده.
اختك بوسي

[اسدالعراقي]

شكرا اخي كريم الورد
على الكلمات الجميلة والرائعة
عاشت الايادي يامان عودتنا على كل مميز يامتميز

[دلع بنات]

الله عليك ياكريم والله موضوع ولا foraten.net/?foraten.net/?foraten.net/?foraten.net/? فؤاد نجم
ايه الحلاوه دي لا شديد قوي بجد انا قرأته خمش
مرات وحسيت بحاجه غريبه اني شاعره ايه ده
يا سيدي ربنا يكرمك لا علي رأي بوسي بقي
الفطار عليه عشان الموضوع الجامد ده.

[سهيله]

كريم احلي ورده مني ليك
علي كلامك الكبير قوي ده
بجد انت رائع مش هقول
اكتر من كده لان الكلام مش هيوفي
حقك...اختك سهيله

كلام رااائع بمعني الكلمه
بارك الله بيك
وشكرا يااخي

[الحزينة المبتسمة]

كلام جميل
يسلم بؤك يا كريم ( مش بتقولو في مصر كده)
شكرا لك على هذه النصائح
تقبل مروري و تحياتي