اخر قصائـــــــــــــــــــــــــــــــــــدي دمعه !!!!!

[الشاعر ماجد الدعمي]

الدمع من ينزل بحركه
يصير عالوجنه قصيده !
والقصيده الماتداوي جروح ناس
عيب تتسمه قصيده !!
والشاعر الما يكتب الكلمه بضميره
لاهو فارس وترفضه حروف القصيده !
واني وي اخر قصيده
مدري بيها منين ابدي
مدري اختمهه بدمعتي
وحيره يا اخر قصيده !!
عذبتني جروح ليلي وماشكيت !
ومن اخوتي بيه طعنه ومابجيت !
ومدري ليش شلون اجيت !!
مغمض وجدامي ذبني بدربكم
وانه بجروحي عليكم دوريت !
واعشكتكم ...
واساميكم تمر كل لحظه اعله بالي
شلون متمرون اعله بالي
يل بنيتوا بروحي بيت !!
وعشعش بكلبي حجيكم
وامس خلف وشلون خلف !!
خلفته اخر قصيده
ومن اجيت بشوك اقراهه القصيده
ماعرفت اقره حروفهه
ولنهه دمعه !
وعندي وي كل دمعاتي قصه
وهاي قصه !
حطهه ابين القصص
تصبح قصيده
ودمعه يا اخر قصيده

تحيات اخوكم ماجد وامنياتي للجميع السلامه والصحه الدائمه والابداع / في امان الله

[سلام الدراجي]

والله صحيح وتسلم على هاي الكلمات الرائعه دائما مبدع اخي ماجد

[ام فيصل]

عذبتني جروح ليلي وماشكيت !
ومن اخوتي بيه طعنه ومابجيت !

صح لسانك يارائع

وياكثر دمعــات العيـــون -- وياكثر حسرات القلوب

والقصايد تكتب وماتعرف ملل

تبدع دائما بالوصف والكلمات -- وتنتزع منا دوما الرد وهذا هو ديدن الشاعر المبدع

لك كل الشكر ياصــــــــانع الكلمات

[الشاعر ماجد الدعمي]

اخي الكريم الزير تحياتي لك وسعيد بمرورك الجميل

[PRINCE_07]

شلونك عيني ابو القصايد
صاير شاعر بدون عنوان
بس مو مشكلة عنوانك بالكلب محفور
بس على شرط تكللي انت سعدي بمرور
هههههههههههههههههههههههه
تحياتي الك حوبي

[الشاعر ماجد الدعمي]

شكري الجزيل لك اخي برنس وسعيد جدا بمرورك الجميل

[محمد السوداني]

عاشت ايدك وصح السانك يامبدع
تحياتي الك اخي العزيز ماجد
مع ارق التحايا

[الشاعر ماجد الدعمي]

واني اليوم جدا سعيد بمرورك اخ محمد وتحياتي