((((( ابد ما موت ))))))))

أنت يمي وما أحسك يمي ليش..؟؟
شنهو ال مغيرك دگلي اشمالك

أحجي خل افهم ولك حقي عليك
بكلمه خل افهم برود الجالك

هسه كلي بيا ذنب إنا جنيت
حتى اعذرك واقتنع بالجالك

كبل مو جنت انت تركض من أجيك
وفجر يرسم لو غبت موالك

شنهو صار وهسه صاير شي بعيد
اشما أشوفك جني اشوف ابدالك

ليش شنهو الصار يحبيب نسيت
هو حظي الجابك ورد شالك

تيهتني وما عتبت انا عليك
وما كلت لك ليش شنهو الجالك

جيت دليتك علي خايف تضيع
وهم ضعت بس گلبي هم عدالك

أبرهة بعيني انا شفتك وانا بيت
وما غلقت ابوابي يم فيالك

ولا عفتها طيوري تتناوب عليك
گلت معذور وعذرت افعالك

وبيدي هاي ازرعت عودك من سنين
وگلبي من مرك عطش صبالك

وليش من طك عودك مخضر سيوف
گام يحصد وبحقد شتالك

ما اعذرك وانت وي غيري صفيت
وجاي تلعبهن علي حسبالك

والله شلتك إنا من بالي.دروح
وهم بعد ما ريد اضل ابالك

لاتضن بغيبتك إنا أموت
عمي هاي احجيها روح لخالك


منقول

[محمد السوداني]

مشاركة رائعة سلمت يداك اختي العزيزة
منورة المنتدى والله
تقبلي تحياتي وودي ,,,,ننتظر منك المزيد

[ام فيصل]

سلمت يداك عزيزتي قصيدة كلماتها رائعة

لكن هناك ميل في الوزن

ومرحبا بك بيننا ونحن بانتظار جديدك

تحياتي لك

تسلمون لهذا المرور الجميل مشكورين

[عبد الكريم البصري]

تسلمي اختي على هذه المشاركه الجميلة

[عاشق عيونك]

والله شلتك إنا من بالي.دروح
وهم بعد ما ريد اضل ابالك


لاتضن بغيبتك إنا أموت
عمي هاي احجيها روح لخالك


يسلموووووووووو دمعة كلام رائع

دوم الابداع يارب



تحياتي

[سلام الدراجي]

يادمع الم قصيده ولا اروع منها قصيده شكرا لنقلك المميز بارك الله بك

جزيل الشكر لكم لاتحرموني من ردودكم الرائعه دمتم بخير