دموعي قصايد

[الشاعر ماجد الدعمي]

اني الدموعي قصايد
والهموم بفركتك لابسهن كلايد !
وانه صوتي اكبال صوتك ماله صوت !
وانت ....
انت اسمك ترس كلبي !
وفركتك معناهه موت !!
ولسه بعيونك اسافر !
وشايل سنيني اعله جفي !
واليالي ادور بيه
منين مارادت تسافر !
وهو كلشي بعيد عنك يعني موت!!
وانه وجروحي وصفنتي
مره ننزف .... مره نشفه ..........
وعله الطيف الجاي منكم
كمنه نغفه !!
ومره نعبر عل جروح
ومره نتماده اعله كلشي !
وانت شعرك ليل نازل علسطوح !
وابقه اغنيلك وفه واتمايزك بستان
وعطرك الغيرك خلص عمره يفوح ........

تقبلوا ارق التحايا من اخوكم ماجد الشاعر

[ام فيصل]

وانت ....
انت اسمك ترس كلبي !
وفركتك معناهه موت !!

قمــه العشق الطاهر البرئ

اتحير بوصف هذا الإحساس الدفين الذي تمتلكه

وتبوح به بين سطورك

ليتني اهتدي لهذا الإحساس

مبدع عزيزي بلا منازع

[الشاعر ماجد الدعمي]

شكرا ام فيصل لك انتي تتفاعلين مع ما اكتب هذه هي السعاده الحقيقيه بالنسبة لي ممنون منك

[عبد الكريم البصري]

الله الله عليك يا ماجد وعلى قصائدك الجميلة
وتقبل تحياتي

[الشاعر ماجد الدعمي]

وتقبل انت شكري الكبير اخي البصري الكريم ولك تحياتي