درب المكابر

[الشاعر ماجد الدعمي]

معذبين ..
والوكت يمطر عالمنازل ليل حاير !
وفرحه مذبوحه بزغرهه
وتضحك حلوك الخناجر !!
وتكلي اصبر .. واه يروحي .. شلون نصبر ؟
وصرتي سورة فاتحه بدرب المكابر !!
وصرتي سالوفه وتطش ع الناس باجر !
وبعيني شفته مات باجر !
ولاكو جنازه التشيعه !
وانذبح مظلوم باجر !
حتى دمعات القصايد حركت خدود الدفاتر !!
ومنين ماديرن عيوني اتشوف نار !
وجار يحرك بيت جاره !
والي يحرك بيت جاره شلون جار !!؟؟
وصوت ام حاضنه تراب الرصيف
مبسطه بجمبر جكاير !
حتى ماتعتاز وللناس تمد اديهه !
حتى من يفز ابنهه بليل جوع يلاكي خبزه !
حتى من يصيح يمه ... تكله ها ..
انه امك .. يمك امك ..
اني بدموعي اشتريلك يبني عزه !
ومن يجيني الليل الوليك حتى تغفه !
ويوم تغفه ومن تنام !
افتح شبابيج عيني !
وابجي وحدي .
وحتى ابجي الليل وياي اعله حالي
ومن يطر الصبح تصحه وتشوف امك
امك تعاند وكتهه وتصير لعيونك قويه !!
وي صيحة الاذان تطلع تبيع للوادم جكاير !!
ومن الف نعله اعله خلكي وين ياخذني ويسافر !
وانه خلكي بطول صبرج يلفه دخان الجكاير .. خلكي شاعر ..


الف تحيه لكم احبتي من اخوكم ماجد الشاعر

[الشاعر ماجد الدعمي]

وينكم ؟
ذبلت عيوني وتناطر كيفكم !

[ام فيصل]

ملحمة جميلة من الوجع والقهر
وتصوير رائع لواقع مؤلم
ماذا عساي ان اكتب -- وقد غادرتني حروفي -- وتوقفت كلماتي

جميل -- بكل ماتكتب -- باحساسك -- بعفويتك الطاغية
ماجـــــــــــد ---- دام لنا حضورك الراقي

[محمد السوداني]

رائع انت يا ماجد000 وراقي هو حرفك

قصيدة رائعة عاشت ايدك
تقبل مروري
مودتــــــــــــــــــــــــــــــي

[الشاعر ماجد الدعمي]

ينما تفيض كلمات وتصبح ردودا
ارى انها لاترسم الا شعرا
ولصوتك مايميزه
ولحظورك طعم
تحياتي

[الشاعر ماجد الدعمي]

اخي محمد العزيز
شكرا من القلب لمرور الجميل
وتواجدك العطر
وكلمتك التي اعتز بها
وسعادتي بك
كبيره
تحياااااااااتي