شديت عين الجرح

[هاشم نجم]

اثنين جانو الك وماكو بحياتكفقط بس انا وانت ونظر عينك
عينك درتها ورحت وبكل سهوله اخسرت واحد من اثنينك
جنت ساعة زعل خلصن ايام اشكثر ماكظت يازين من زينك
اشجم طيف الك ودعت حملته شوك وعتب وزتيته لاجل عينك
وكل هذا باقي لازم يجيك وكت السنين المضت مابينه وبينك
وما ايست ما تجي بس انا لازم اجي بحجة ارد دينك
شديت عين الجرح جبته واجيت اعتذر يم باب سجينك
طميت مجرى الدمع وارسمت سلة ورد بس مدلي جفينك
جيت وجبت ضحك وبوسات طفل لا تفشله لو باس خدينك
لا تكلي انتظر بعدين افكر لا هسه تجي الغيها بعدينك
ارجع واخذ ماردت واصرف سنين العمر علي لا تصرف اسنينك
شديت عين الجرح جبته واجيت اعتذر يم باب سجينك







تحيات

هاشم نجم

[مسره]

الله عليك اخ هاشم كلمات رائعه ومعبره جدا
تحياتي

[مصطفى المالكي]

هاشم نجم

احسنت على ما قدمت هنا

تقبل تحياتي

العراقي

[عاشق كاتالونيا]

عاشت الايادي اخي الورده هاشم
فعلا قصيده جميله
تقبل تحياتي
وننتضر منك المزيد من الابداع لاتبخل علينا