اجمل الكلام عن الحب والغرام

[سيف العراقي]

أعشـق فيـه جمالـه يامحـلاه ولـون عيونـه اللي تذوبنـي

يا ويلـي عليه لـو بس ألقـاه يروح يومه كله و هو بحضنـي

لكـن الزيـن ما يكمل حـلاه حبـه حلو لكنه حيل متعبنـي

يبيـني طـول الوقـت وايـاه ما أتركـه و لا يبي يتركنـي

مايبيـني أتكلـم الا معــاه وبجنون غيرته صـار يعذبنـي

و لـو تأخرت لحظة عن لقـاه يزعل و يقـول ليه تكرهنـي

المشكـله انه يعرف غــلاه ويعـرف انـه بحبـه مجننـي

لـو زعل أضيع في دنيــاه و أتمنـى لـو الأرض تبلعنـي

ياويلـي بس لو جاني جفـاه أتعب والبعـد حيل يضايقنـي

مـا أقدر أتحمل لحظة فرقـاه أتعب و أحس ضميري يأنبنـي

أحيـان أقول خلاص أبنسـاه و بروح وبقولـه لا تكلمنـي

و أقـول أحسن أعيش بليـاه ما أبيه يتصل و لا يسأل عنـي

يمكـن أرتاح من حبه وبلـواه يمكن البعـد عنه راح يريحنـي

و لمـا أروح وأتقابل معــاه ألقى اللهفة فينـي تقتلنــي

و أنسـى اللي كنت أنا أبغـاه وألقى كل أحاسيسي تكذبنـي

فجـأه ألقى نفسي بين دفـاه وأضـم صدره لين ما يحرقنـي

وأتنفـس من شفاته و هـواه وأقـول له ماأبيك تبعد عنـي

و أنسـى اني قلت أبي أنسـاه وأتذكر انه بالحيل واحشنـي

أحسـه مالـكني بحبه وغـلاه وبلون عيونه أحسه ساحرنـي

بروحـي وحياتـي أنا أفـداه فديت حبه حتى لو متعبنـي

ما أقول غير بجنـون أهـواه وعن حبـه اللـه لايبعدنـي

ان شاء الله بالتوفيق ان اشاء الله
قصيده روعه

[^.{{المحـــاميـــــة}}.^]

شكرا لك اخي
على الكلامات الجميلة
تسلم الايادي
تقبل مروري

[الرومانسي]

عاشت الايادي عالكلمات الروعة

[زينه]

كلام روعه تسلم
تقبل مروري