من ابوذياتي

[الشاعر ماجد الدعمي]

الزمن مدري بياخانه وضعنه
وبعد هيهات مايعجب وضعنه
لكينه ارورحنه مره وضعنه
ووكعنه بحال ارده من الرديه

ـــــــــــــــــــــــــــــ
الدهر اكصه وحياتك وّن سباني
وصرت علج بحلكهم وانسب اني
انسب ياهو انت وانسب اني
اعرفك زين هم تخفه عليه

ـــــــــــــــــــــــــــــــــ
ايامي جزه وتعده وكتهن
ولرخي حبال لدموعي واكتهن
واضيع همومي ابيده واكتهن
هو يتيه عشره ترد عليه

ـــــــــــــــــــــــــ
تبين بيك حوبه ولنشاره
وسوالف مانسولف ولنشاره
نشر كلبي بعيونه والنشاره
وي دمع العين انخبطت سويه

ـــــــــــــــــــــــــــ
يل تنشد عله احوالي ماهي زينه
وتهزه الي يضدنه وماهزينه
ادور وين صارت ماهي زينه
جفت والروح طاعت للمنيه

تقبلوا تحيات اخوكم ماجد الشاعر ورمضان كريم

[محمد السوداني]

ابدعت والله ماذا اقول لهذا الصرح الرائع والجميل من الابوذيات
سلمت يداك ودام لنا نزف قلمك الرائع دائما
لك مني ودي واحترامي اخي العزيز ماجد
تقبل تحياتي وشكري اخوك
محمد

[ام فيصل]

مبدع دائما

وراقي بكل كلماتك

الف تحية لهذا القلم الرائع

[الشاعر ماجد الدعمي]

اخي محمد السوداني تحيه لك من القلب وحقيقة انت تخجلني بكلماتك الرائعه سلمت اخي واسال ان
ان اوفق لاكون بخدنة الجميع اخوك ماجد .........

[الشاعر ماجد الدعمي]

سيدتي ام فيصل انا بالوقت الذي اسجل لك شكري انحي امام تلك الكلمات التي باتت تشعرني
بأني امام مسؤوليه التواصل معكم سلمتي نخلة العراق وهذه تحيه من اخوك ماجد

[زمن الرحيل]

الزمن مدري بيا خانة وضعني....اسال الله ان يضعك في خانة المبدعين.انسب ياهو انتة وانسب اني ....يحق لمثلك ان يفخر بنسبة (عبودي)والنعم بنسبك.تمتلك رصانة في الابوذية وتراص في المعاني ووحدة الفكرة.وسرني ماقراءت.واتمنى ان اقراء المزيد من هذا الابداع . اسجل اعجابي .وتحياتي وتمنياتي لك بالموفقية

[العراقي الطيب]

مشاركة روعة تسلم بورك بيك

[الشاعر ماجد الدعمي]

اخي زمن الرحيل تحيه لك وانت تضع بصمتك الجميله على مشاركاتي عزيز وغالي اخي الحبيب ....