دموعي قصايد

[الشاعر ماجد الدعمي]

اني الدموعي قصايد
والهموم بفركتك لابسهن كلايد !
وانه صوتي اكبال صوتك ماله صوت !
وانت ....
انت اسمك ترس كلبي !
وفركتك معناهه موت !!
ولسه بعيونك اسافر !
وشايل سنيني اعله جفي !
واليالي ادور بيه
منين مارادت تسافر !
وهو كلشي بعيد عنك يعني موت!!
وانه وجروحي وصفنتي
مره ننزف .... مره نشفه ..........
وعله الطيف الجاي منكم
كمنه نغفه !!
ومره نعبر عل جروح
ومره نتماده اعله كلشي !
وانت شعرك ليل نازل علسطوح !
وابقه اغنيلك وفه واتمايزك بستان
وعطرك الغيرك خلص عمره يفوح ........

تقبلوا ارق التحايا من اخوكم ماجد الشاعر ورمضان كريم على الجميع

[ام فيصل]

كعادتك ياماجد متألق ومبدع

وكلماتك تنزف عشك مو معقول

اهنيك يارائع بكل كلمة تنثرها على الصفحات

كل الود لهذا العطاء

[زمن الرحيل]

انا صوتي كبال صوتك مالة صوت.هذة القصيدة فيها ابداع وفيهاصور جميلة وفيها من التجديد الشي الكثير .حتى.حتى ضننت اني اقراء احدى قصايد اسماعيل الكاطع.لما فيها من الرصانة واقوة بالمعاني.اسمحلي ان اسجل اعجابي ودعائي لك بالمزيد من الابداع وتقبل فائق احترامي

[الشاعر ماجد الدعمي]

حبيبي زمن الرحيل اشكرك جدا وانت تضع تلك الكلمات الممتلئه شعرا على صفحتي / والف الف تحيه للاستاذ الرائع ابو وسام وامنياتي له الشفاء العاجل ....

[ملكة الاحساس]

تسلم يا ماجد قصيدة جدا جميلة

[الشاعر ماجد الدعمي]

وسلمتي اختي العزيزه وممنون جدا للمرور