قصيده \ ملك الاحساس

[سلام الدراجي]

ملك الاحساس

عذبني بعد وجرحني ممنون

وسوي براحتك كل التريده
ظالمني بسكوتك وانه محتار
ونزفك بالگلب حقق وعيده
نهر انه ألك وأرويك عطشان
وكل دمي ألك گلبي وريده
ملك انته وتضل قمة بالإحساس
ومن عينك شفت زعلك تكيده
غالي انت وچنت بس بيك الأحلام
وأحلامي أصبحت بعدك بعيدة
عذولي بالجرالي حيل فرحان
ضحك سنه بطبگ ابن البليدة
حزين انه وجره دمعي عالخدود
وبس انت أعرفت روحي العنيدة
ما أعاند وكابر وانه أهواك
غزال انت وأضل انه الطريدة
عليك الروح لأبت وانه مفطوم
چن لعبه طفل ضاعت من أيده
اكتب بالشعر بس بيك مشغول
وتضل بالمنتدى روحي سعيدة
سلام الدراجي

[محمد السوداني]

قصيده رائعه مبدع انت دائما اخي العزيز الزير روماني
تقبل تحياتي وتقديري اخوك
محمد السوداني

تسلم يازير قصيده جميله عاشت ايدكتقبل مروري

[ملكة الاحساس]

تسلم اخي الزير على لماتع الرائعة

[ملكة الاحساس]

تسلم اخي الزير على القصيدة الرائعة

[سلام الدراجي]

اخي محمد انت الابداع كله تسلم والف شكر على مروك الكريم ورمضان مبارك

[ام فيصل]

واللــــــــــه رائع يازير

وكلماتك قمة بالإبـــــــــــــداع

واحســاسك أحله واحله


لاحرمنا منك هذا السيل المتدفق من العواطف التي تجعلنا نحلق دائما في سماء الأمل المتجدد


احييك يامعلمي العزيز

[سلام الدراجي]

اخي ابو مالك مرورك يسعدني الف شكر