محاوره كلش حلوه

[ابن الوسط]

هو:
يتعارك الدلال وي روحي والعين ... كلمن يريدك بيه ترغب تحط وين

هي:
خاف احط بالدلال والجم جروحك ... تزعل عليه العين وياهه روحك

هو:
تزعل عليج العين وياهه روحي ... بيدي لكض الموس وازيد جروحي

هي:
بيدك تكض الموس واتزيد الجروح ... جا شنهي نفع الطيب لو راحت الروح


هو:
حكه وتهيج الروح من عندي وتروح ... لن مالكت محبوب ويخيط الجروح

هي:
لشلع هدوب العين واخيط جروحك ... واتبادل انه وياك روحي وي روحك
تقبلو تحياتي

[حيدر القريشي]

شنو هاي عمي ابن الوسط
وروحه لرجل خالتي جاي تبدع
محاوره تخبل ...بس تدري بالبدايه
عبالي محاوره الجانت قبل بالمدرسه
ناخذها بالانجليزي هههههههههههه
كلت اهوووو لهنا لحكتني ..ههههههه
لا تزعل اشاقه وياك ..
كلماتك في غايه الروعه ..
شكرا لك اخي العزيز وتقبل تحياتي

[ابن الوسط]

حياك الله اخويه ابوكرار انت مينزعل منك
انت الروح والريه

[ام فيصل]

عاشت اليادي يامبدع يابن الوسط

والله انهه محاورة جميلة بين حبيبين - بس مندري منو يحب الثاني اكثر

لان محاورتهم وحده اقوى من الثانية

عموما -- احييك على هذا الدارمي وننتظر منك المزيد

[محمد السوداني]

الله عاشت ايدك يامبدع والله روعه
تقبل تحياتي وتقديري اخوك
محمد

[ابن الوسط]

حياج الله اختي ام فيصل
الحب مابي ميزان منو اكثر
ببساطه لو تحب لولا
مع خالص ودي واحترامي

[ابن الوسط]

حياك الله يلسوداني
انت الابداع كله
ياشاعر المنتدى