ثلاث ابوذيات ...(للحبجيين )

[عاشق كاتالونيا]

جرى دمعي على خدودي مراحل
وحبك بالقلب باقي مراحل
اذا ناوي الهجر ابدي مراحل
مو غفله وتسد الباب عليه






عليك الروح ذابت منته داري
وعلى كيفك ويه روحي من تداري
يسألوني وين دارك ؟ منته داري ؟
كل هذا وتحط النار بيه






سهامك بالقلب صابن ولاحن
عجب كلبك علي مره ولا حن
اسألك عالوعد وكته ولا حان
شتجاوب يالحبك منيه




.......... مع تحياتي .........

[محمد السوداني]

الله ابوذيات رائعه كلك ذوق اخ عاشق
ننتظر منك المزيد لاتبخل علينا
تقبل تحياتي

[عاشق كاتالونيا]

ممنون منك اخ محمد
وهذا كله من ذوقك بس.

[حيدر القريشي]

مبدع يا عاشق انته وميسي وكل البرشا

شكرا على ما خطه قلمك الرائع

وتقبل مني خالص الود والتقدير

وبأنتظار المزيد منك يا ورده

[عاشق كاتالونيا]

انت الورده اخي حيدر ان شاء الله اسوي الي اكدر عليه
شكرا على مرورك الحلو منور المنتدى

شكرا اخي العزيز على ذوقك الرفيع وابوذياتك الراااااااائعه
وبصراحه الي يشجع البرشه لازم يكون هذا ذوقه
شكرا لك عاشق كاتالونيا على الابداع
تقبل مروري

[ابن الوسط]

ذوقك راقي حقيقي اسم على مسمى
ننتضر المزيد حبيبي