اخذني ويــــــــــــــــــــــــــــــــــــــــــــــــ ـــــــاك
عطشان وحياتك حد يباس الريج !
واخذني وياك
مجروح وجروحي بكل دقيقه تهيج !
واخذني وياك
اسيس عمري وي الماي
واسولف للجرف همي
من بيه الليالي اضيج !
واخذني وياك
اذبح حزني بدربك
وامر بديرة (طويريج )
واروح وياك
ادور ماي لجرفي البس سمع بالماي !
عطشان وهروشه اتصيح
مامن صوت اجاهه وكال هذا الماي
وولك يلماي جم دمعة احديثه السافرت وياك !
وجم حسره لامي تهيج من تلكاك !
وجم مفجوع كلبه ومشتكاه للماي !
واشوف الناس توكف عل جرف حراس!
تتنه الماي !
وشفت شموع تمشي مسيسه وي الماي !
واكولن ... ها ..... رداله ضواه الماي!
كالوا .......... لا... هاي نذور !
سيسهه السلف بلكن
يرد الماي !!!!!!!!!!!!!!!!!!!!
وبعدنه مناطرين الماي !
تقبلوا تحياتي ولكم مني الحب والاحترام اتمنى ان تكون قصيدتي نالت اعجابكم ورضاكم ( اخوكم ماجد الشاعر )
رد مع اقتباس
