نـــــــــــــــــــذر امــــــــــــــــــــــــــــــي

[الشاعر ماجد الدعمي]

تعودت امي وام الجميع ان لاتتساهل بقضيه الوفاء بالنذر .فكيف اذا كان هذا النذر يحمل اسم الوطن !!
للوطن نذرت نذر وبالدمعه من وفته
(العباس) عدهه الوطن وتهاب من شارته
شفت امي قلعة عزم جف فاطمه الخطته
ويوم النخاهه الوطن شالت جبد وانطته
ومو جنهه بس والده الدنيه جن زتته !
وردت تهز المهد وتلولي بسم الوطن
وكبال حب الوطن حب الولد عافته !
بجناغه تشتم عطر وتكول امس شدته !
وبليل مرهه بحلم ونكط حليب الثدي !
كمشت صدرهه بالم وبصوت نادت (علي)
ومن طاح بالمعركه اسم الله اولدي نادته
سمعت نداهه السمه وجف مدت اتلكته !
ومن صار لازم تجي رد ودمه حنته
طلعت تشيم الجدم وتخاف من زلته!
وكفت تحتهه جمر وحبست دمعهه جمر
ولاذ بكترهه العمر !!
هل واحد وانطته
وهل واحد مدللي
والوطن هل واحد
يدلل علي الوطن
وانطيه اجم واحد !
وعل جرح من شافته
وكعت عليه باسته
وكالت علي نذر
كون اركص بزفته
وقسمت قسم بالربه
ماتنغسل بدلته !
خليهه بالدم تظل
وكل يوم اشوفه بطل
وهاي امي بيت المجد
بدم ودمع علته

كان الله في عون امهاتنا وهن يدفعن بفلذات اكبادهن نورا لعيون العراق
تقبلوا ارق التحايا من اخوكم ماجد الشاعر

[حيدر القريشي]

مبدع انت يا اخي العزيز يا ماجد

وبالفعل فأن النذر من الامور التي لا يجب ان يستهان بها

لا وبل اذا كان كما قلت خاص للوطن

اما بالنسبه لدور الام فلا شك في ذلك .

.فمن يستطيع ان يعبر عن دور الام الكبير والمهم في حياه كل البشر

شكرا لك اخي العزيز على القصيد ه الروعه

واتمنى ان تواصل الابداع بقلمك المبدع

وتقبل مني خالص الود والتقدير

[الشاعر ماجد الدعمي]

اخي الغالي 1985_hedar لاشك اني لسعيد جدا جدا بهذا المرور الكريم دمت ايها الغالي
وسؤالي لله جل وعلا ان اكون عند حسن ظن الجميع / تحياتي

[محمد السوداني]

انا ان قلت الوطن اعني به الام
وان قلت الام اعني بها الوطن
وانا فداء لهم ,,,,,,
اشكرك من كل قلبي يا اخي وعزيزي ماجد يا شاعر الوطن
كلك ابداع من نبل قلمك حتى اخمس قدمك
مع ودي واحترامي اخوك
محمد السوداني

[سلام الدراجي]

رائع ياماجد قصيده بحق مليئه بالصور الشعريه بارك الله بيك مبدع في كل كتاباتك

[ام فيصل]

لاتعليق !!!!!!!!

مادامت كلمات تخص الوطن تخجل وتستحي كل التعابير

لكن ماأكول الا ......

العراق بيكم وبدمعة كل ام نزلت على ارضه ماينخاف عليه

يااهل النخوة من شايبكم لطفلكم

[الشاعر ماجد الدعمي]

1.الاخ الغالي محمد السوداني المحترم اني لاقف في حيره امام كلماتك تلك واني والله لااجد مااقوله
امام احتفائكم الكبير بي واعدكم نان اكون كما تتمنون اخوك ماجد الشاعر

[الشاعر ماجد الدعمي]

1. اخي الغالي محمد السوداني تسعدني كلماتك الصادقه فكل من في هذه العائله الفراتيه الكريمه

مبدعون ويحملون الوطن في حدقات العيون ........... تحيه لك اخي الغالي وسلمت