كاظم اسماعيل الكاطع( ملفته للانتباه)

[FONT='Times New Roman','serif']

[/font]

[FONT='Times New Roman','serif']مُلفتـه للإنتباه
[/font]
[FONT='Times New Roman','serif']

مثل شبوي المسه بعطره وشذاه

حبـٌه.. حبـٌه وكَطره .. كَطره
وبالرسم طوٌل خلكَ بيــج الإلــــه
صوٌر عيونج مواني
وبيها عاف الليل نومه وذب غطــــاه
من بعيد إنتي جميله !!
من قريب إنتي جميله !!
واكَفه .. تمشين حلوه
والحلو وجهه يبيٌن من كَفـــــــاه
عيوني ما تكذب عليــٌه
العسل يم الإشاره
جدٌى منـٌج .. كِسَر كَلبج
وأخذ من خدٌج حـــــــــلاه
الله .. الله إشهل حلاه
الشكر ماكان مزروع إعله كَـــاع
أرض خصبه للشكر هاي الشفاه
والكَلب مدري شجـــــــاه
قبل كنت أكَدر عليـــــــــه
ألوي إذانه إيخاف منــــــٌي
وهســٌه صرت أمشي وراه
وهســٌه صرت أمشي وراه
ولا حيــاء في الحب
_ أحبج _
خل يحسبوني رجل حن إلصِــباه
لأن ملفته للإنتبــاه
سنه إشفافج عله إشفافي
بصراحه الوكت موكافي
أريد الشته إيصير أربع مواسم
ياحضن دافي
وأريد الليل سبع إسنيـــن
والله إيمــَوٌت الغافي
لو طال السفر ويـــاج
من روحي الخدر ينزل عله الرجلين
وأمشي إعله الجمر حافي
ولو ميت وأمر بشارع إمشينــاه
أنسه جنازتي وتتحرك أطـــرافي
.. ولو يطفه الضوه من الصبح لليــــل
:- عن بيتي تِكَـــول الناس
عنده إكًلــوب ما طــافي
ضـَعٌفني الزمن لكن أكابر بيــج
من صار النهر دهله إبربيع الفات
مَدٌيــتي إديــج ورد نبع صـافي
سنه إشفافج عله إشفافـــي
بصراحه الوكت مو كـــافي

كاضم الكاطع

[/font]

[محمد السوداني]

اهلا وسهلا بك في بيتك الثاني
احييك واشكرك على هذا الانتقاء الرائع
تقبل تحياتي وننتظر من المزيد

اشكرك اخي العزيز وان شاء الله الموفقيه للجكميع ......مع التحيه ......والسلام

اخوكم......قلب رجل

قلب رجل سيدي اشكرك لهاذا الاختيار الموفق وسلمت يداك ونتمنى ابداع متواصل تقبل مروري البسيط على صفحتك الجميله والرائعه واشكرك مرة ثانيه على هذا الاختيار

اخي العزيز...
ان اطلالتكم هذه.....
نورت صفحاتنا واثلجت قلوبنا....
والهمت الهمم...
لماهوه خير للمنتدى واعضائه ..
المحترميين..............
مع احر التحايا القلبيه............


قلب رجل

االسلام عليكم ورحمة الله وبر كاته
كاظم اسماعيل القاطع قامة متميزه نسمعه كثيرا في القنوات المتاحه
ونستمتع بابداعاته الجميله شكرا اخي هذا النقل المميز
واتمنى ان نرى نقلا كثيرا لهذا العملاق العراقي
خا دمكم الاقل حظا
بو كوثر

اخي العزيز...
ان اطلالتكم هذه.....
نورت صفحاتنا واثلجت قلوبنا....
والهمت الهمم...
لماهوه خير للمنتدى واعضائه ..
المحترميين..............
مع احر التحايا القلبيه............


قلب رجل