امي الغاليه

أمـــــــــــــــــــي

يمه البيت عكبج يبجي عالبيت
وسود وداعتـــــج شفـت الحياطين
وعتبة بيتنه زعلت على الباب
وعلينه أتسودنت ما ترضى ترحين
وشفت دمع البلابل والعصافير
طاح إعله المكان البــــي تكعــدين
وشفت لطخت حزن بخدود الورود
وصبح بستانه يبجي البـــــــساتين
فراكج موسهل يذبحني كل يوم
كل يوم بسـنه لا والله عشـــــــرين
ييمه بفركتج نص عمري ماخوذ
ولا جن فركتـــــج يايمه يـــــومين
ما أدري شيضل لو طال الفــــــراك
على هذا الوضــــع ينراد عمــــرين
شكض من الدمع ودموعي شلال
وعليج اتسودنت ماتسكت العــين
جلمة يمــــه منــــج بلسم جــروح
وجلمة بعد بيتي أتداوي جرحـــين
أذا موجوده يمه نصير عـــــــقال
ونصـــير بغيبتـــج مثل المجانـين
على وجهج لكينه الحزن مـرسوم
وكبـــاله الفرح ذابحـــــته السـنين
رضعتينه الحزن من شد الكماط
وغـــذتنه دمـــعتج حـــب الحـسيـن
تروح بروحتج ماتبـــقى ارواح
جسد واكف جــذب بس احنه ميتين
يااجمل وحن مخلوق بالكــــون
مثلج ما كو مثلـــــج أقسم ثنــين
تحت جدمج جنان وتجري انهار
وبعـــد فوك الجـدم اشكال تلــكـين
يا ام الوفه ماشــــوف أوفيـــــــج
لو كد نــوح عمري يصــير مرتين
اغفه بحضن صبرج وانه شبــعان
واحس جوعانه كلـــش من تنـــامين
امي الجــــنه انتـــــي منزله بيت
وتنام بظـــلج ابيــوت الجــــــوارين
سكوتج ادري يمه يحير الليل
مثل صفنة البـــحر لمـــن تصفنيـن
واذا تحجين بلبل يعـــــزف الحان
ومن حلكج يظل يطـــافر الــتــــيـن
خيط السبحه انتي اخذينه ويـــــــاج
نطشر خـــــرز لمــــــن تروحــــين

شعر جميل

شكرا على الشعر

[محمد السوداني]

قصيدة رائعه جدا احييك اخي العزيز على هذه الابداع
واتمنى لك المزيد من الابداع والتالق
تحياتي الك والف هله بيك وصح السانك

[ام فيصل]

أخــي الخــزاعي أجريت دمــعي بكلماتك التي تنثــر حــزنا وشــوق على كل الحنان


احييـــك أخي وكل التقدير لكلمات حــرَّكت اشــجاني / تقبــل مــروري

[زينه]

والله نورتي المنتدى بلكلمات الحلوووووووه ويسلم ذوقك

[حيدر القريشي]

كلمات روووعه
تحياتي واشواقي الى المزيد من هذا الشعر الجميل
سكراااا

[الشاعر شاكر الشمري]

رضعتينه الحزن من شد الكماط
وغـــذتنه دمـــعتج حـــب الحـسيـن
******************************************
كان بودي اقتباس القصيده كلها اخوي ابو حسين
احسنت وابدعت
ليش لا ونته من الناصريه التي تتكلم الشعر
تقبل تحياتي