قصيدة جميلة تتحدث عن( الغربة)

الملف الشخصي · 23-07-2008

تعال الغربة ابد متلوك الك
وبفراكك حتى النوح ملمني
احاجي اليل يبجي اليل وياية
ويومية عليك الروح تسالني
اكضي اليل سهران ويلنجوم
ينام النجم وانة النوم هاجرني
اكلب بل صور واحجي انة وياك
تدري انتة بهمومي وجاي تسمعني
صرت بعدك سفينة بلايا ربان
وياموجة التجي لبعيد طردني
هم ترجع وشوفك ونسة لاحزان
ويرد النوم لعيوني ويصالحني
وبكثر الحزن الودعيتك بي
ترد انوب بي اكثر تفرحني
افكر بيك كد نضرات العيون
ودم ابجي عليك اني صدكني
تعال وشوف ذبلا حتى لعيون
ما شوفك اخاف يعيوني تحرمني