عجبتني ونقلته الكم

[محمد السوداني]

كلبي صار باسمك يعني مالك
وشنهو الي بقالك عندي مالك
عشت بقصر حبك وانته مالك
ورضيت بجورك وضلمك عليه
ّّّّّّّّّّّّّّّّّ
عساهه بكلب دنيانه وكلبين
اريد الهه جسم صاحي وكلبين
اشو الحلوات شافني وكلبين
يجوز من الكبر بين عليه
ّّّّّّّّّّّّّّّّّ
كلب صافي لون تهوه كلبنا
ولافد يوم على الصاحب كلبنا
احنا اظلوع الك وانته كلبنا
ونحافظ على الكلب من كل اذيه
ّّّّّّّّّّّّّّّّّ
لساني كبالك ياحلو لك لك
جم مرة اكلك لاتكول لك لك
اليه وماتصير الغيري لك لك
ليش اتبيع مالاتي عليه
ّّّّّّّّّّّّّّّ
عليك الروح تجذبني واردهه
لان كلبي نبع صافي وردهه
شلون تغيب وانته اسمك وردهه
واردلك بالشعر غصبن عليه
ّّّّّّّّّّّّّّّّّ
اجيك ازحوف مااتعب ولفحط
وبنص الكلب ياوادم ولف حط
الف حراس لو خلو والف حط
اجيكم واليصير ايصير بيه


اتمنى ان تنال اعجابكم
تحياتي

الاخ محمد ابوذيات في غايه الروعه والجمال تقبل مروري

اخوك ابو مالك

[محمد السوداني]

الف هله بيك اخي العزيز ابو مالك
انار صفحتي مروركم العطر تحياتي الك بعدد معاني الحروف الابجدية
اخوك محمد

[مصطفى المالكي]

الله الله الله
عاشت ايدك يامحمد على هذا الذوق الجميل

شكرا على ماقدمت هنا

تقبل تحياتي

العراقي

[محمد السوداني]

مشكورين على المرور الاكثر من رائع
تحياتي الكم

[فقير كلش]

أبو جاسم

تسلم النا ياوردة

كلك ذوق

وشكرا

[محمد السوداني]

أبو جاسم

تسلم النا ياوردة

كلك ذوق

وشكرا

اسعدني مرورك الرائع والجميل اخي غني كلش
وانته الورده والذوق كله وتحياتي الك

[زينه]

يسلم ذوقك اخي على هاي الكلمات الرائعه
تقبل مروري