أنا ما هزني غيرك حبيبي بالبشر إنسان
ولا حبيت ابد قبلك ولا أفكر أحب ثاني
دخيل الليل والقمر أو النجم في سمانا ضال
ودخيل الحب وعيونك ودمعاً غرق أوجاني
أبي حبك يزلزلني يفجر داخلي بركان
أبي يطهر جروحي يمحي باقي أحزاني
أبيك تكثر الرهبة وقلبك ممتلئ أيمان
وأبيك تشد من غرامي إذا همي تلقاني
أبي حبك ينسيني همومي وعالم الأحزان
وأبي قلبك يصبرني إذا جيتك أنا أعاني
أبيك تشيل من قلبي معالم لوعة الحرمان
أبيك توقف بصفي إذا ظرفي تحداني
أبي حبك يجنني وينبش سماي ألوان
أبي قلبك يحسسني في صدق الحب لاجاني
أبيك الصاحب الوافي يحطني دايم بهيمان
أبيك العاشق المخلص يشافي دوم عطشاني
أبي عطشك ..... أبي قربك أبي حب كمل بنيان
أبي قلباً كبير لاملاه الشوق ناداني
أبيك الشاعر الصادق .....أبيك المغرم الهايم تبيع الروح من شاني
أبي اسكن وسط قلبك لوحدي ما معي إنسان
أبملك كل تفكيري وتملك كل وجداني
وأبي قلبك يواعدني لو خان البشر ما خان
أبي اطلب طلب واحد رجيتك وهو المهم الآن ؟
وأنا أدري مستحيل ترفض لأنك جد تهواني
" أبيك تعيش في قلبي إذا تسمح مدى الأزمان"
" أبيك تشوف ما تملك في قلبي وما تعداني"0000
احب اللهجه الخليجيه جدا لذلك كتبتها000
الصكر